«Վեոլիա ջուր» ընկերությանը դատի են տվել սեփական աշխատակիցները

Հրապարակ / «Վեոլիա ջուր» ընկերությունը որոշել է հաշվեհարդար տեսնել Լոռու մարզային տեղամասի հետ։ «Օպերացիայի» շրջանակներում նախ ազատվել են 5 աշխատակիցներից, 25 հոգու կանչել ատեստավորման, նրանցից 19-ը հրաժարվել է մասնակցել դրան՝ համարելով ապօրինի։ Արդյունքում թե աշխատանքից ազատվածները, թե ատեստավորմանը չմասնակցելու համար նկատողություն ստացածները դիմել են դատարան։ Մեկ հոգի էլ դատարան է դիմել ստացած նկատողության եւ աշխատանքից ազատման համար։

Աշխատակիցները խնդրանքով դիմել են «Վեոլիա Ջուր» ընկերության գլխավոր տնօրեն Կ․Լֆեին՝ իրենց հետ հանդիպելու համար։ Դիմումի մեջ մասնավորապես ասված է․ ««Վեոլիա ջուր» ՓԲԸ ՄՏԱ «Լոռի» տեղամասի առեւտրային վարչության պետ Հարություն Անտոնյանի աշխատանքային պայմանագիրը լուծարելու մասին «Լոռի» տեղամասի առեւտրային ծառայության աշխատակիցները գտնում են չհիմնավորված, քանի որ հրամանում նշված բացթողումները էական ազդեցություն չեն կարող թողնել տեղամասի աշխատանքների վրա։ Հրամանի մեջ նշված թերացումների մեծ մասը մտացածին են, որի համար Հ․ Անտոնյանի կողմից գրվել է զեկուցագիր, որը պարոն Կ․ Լֆեն, Ձեր կողմից չի ստուգվել։ Հայտնում ենք նաեւ, որ «Լոռի» տեղամասի առեւտրային վարչությունը մշտապես կատարել է իր առջեւ դրված առաջադրանքները, որը, չգիտենք ինչու, հաշվի չի առնվում Ձեր կողմից մեր տեղամասի աշխատանքը գնահատելու ժամանակ»։

շարունակությունը՝ կայքում