Կար ժամանակ, երբ տնային պայմաններում պանիր և կաթնաշոռ պատրաստելը բավականին հեշտ և սովորական դարձած գործընթաց էր տնային տնտեսուհիների համար։
Նույնը չենք կարող ասել այսօրվա մասին, քանի որ պանիր պատրաստելու համար շատ ժամանակ է հարկավոր, ինչը այժմ գրեթե անհնար է։
Սակայն հաշվի առնելով այն փաստը, որ տնային պայմաններում պատրաստված պանիրն ավելի համեղ և ամենակարևորը՝ վնասակար նյութերից զերծ է, կարծում ենք, որ կարելի է փորձել։
Պանիր՝ տնային պայմաններում
Այսպիսով, պատրաստման համար անհրաժեշտ է՝
- Կաթնաշոռ – 1կգ
- Կարագ – 75 գր
- Սերուցք կամ թթվասեր – 200գր
- Ձու – 1 հատ
- Աղ, չաման
Պատրաստման եղանակը՝
Կաթնաշոռը հարկավոր է լցնել տարայի մեջ, կափարիչով փակել և 3-4 օր թողնել մութ տեղում. 3-4 օր հետո կաթնաշոռը յուրահատուկ համ է ստանում։
Այնուհետև ստացված զանգվածը պետք է մանրացնել մսաղացի միջով, խառնել թթվասերով, չամանով և աղով։
Հաջորդիվ կաթսայի մեջ հարկավոր է լցնել կարագն ու դնել այն գազօջախին, կաթնաշոռը լցնել կաթսայի մեջ և եփել՝ չմոռանալով խառնելու և միատարր զանգված ստանալու մասին։
Ամենավերջում հարկավոր է նաև ավելացնել հարած ձուն և ևս մեկ անգամ խառնել և տաքացնել ստացված զանգվածը։
Պանիրը պատրաստ է, մնում է միայն թողնել, որ այն զովանա։
1
2
3
4
5
2
3
4
2
3
4
5
