Հանճարեղ Դեյվիդ Գետտան դարձավ 50 տարեկան
LifeԷլեկտրո-հաուզ և տեխնո ժանրերում ստեղծագործող ֆրանսիացի աշխարհահռչակ դիջեյ եւ պրոդյուսեր Դեւիդ Գետան այսօր՝ նոյեմբերի 7-ին, նշում է ծննդյան 50-ամյակը: Գետայի ցանկացած նոր ստեղծագործություն տարբերվում է իր բիթերով, իսկ ցանկացած համագործակցություն՝ վերածվում հիթի:
Հենց այդ հիթերի ներքո էլ առաջարկում ենք ընթերցել հայտնի դիջեյի արտահայտած մտքերից մի քանիսը:
«Որպես պրոդյուսեր մենք պետք է ամեն ինչ անենք, որ երաժշտությունը հնչի հնարավորինս լավ»:
«Այն, ինչ ես ստեղծում եմ, սկզբում ընկալում եմ որպես դիջեյ, հետո եմ միայն նայում պրոդյուսերի աչքերով»:
«Ես սա չեմ անում հանուն փողի կամ լավ վաճառքի: Ես ուղղակի ուզում եմ ստեղծել բիթեր»:
«Ես հիշողությունների գիրկն ընկնող մարդ չեմ: Միշտ առաջ եմ նայում: Անհամբերությամբ եմ սպասում, թե ինչպիսին պետք է լինի իմ հաջորդ ստեղծագործությունը»:
«Իմ ստուդիան նոթբուքն է: Ես համակարգչային երաժշտություն եմ ստեղծում: Մենք համակարգչային սերունդ ենք»:
«Ուզում եմ երեկույթ կազմակերպել տիեզերքում, որովհետեւ ես այլմոլորակայինների համար եմ երաժշտություն ստեղծում»:
«Ես այն մարդկանցից չեմ, որոնք ապրում են վախի մեջ: Ես լավատեսորեն եմ նայում ամեն ինչին»:
«Երբ շատ հանգստացած ես լինում, դա այնքան էլ լավ չէ ինչ-որ բան ստեղծելու համար»:
«Աշխարհում տարբեր ժանրեր կան, բայց երբ R&B-ն, փոփը, հաուսն ու էլեկտրոնային ոճերը միաձուլվում են, ստեղծվում է երաժշտական իրականություն»:
«Հաջողությունն ինձ թույլ է տվել լինել բեմում, աշխատել տաղանդավոր մարդկանց հետ, բայց ինձ համար դա մի փոքր տարօրինակ բան է»:
1
2
3
4
5
1
2
3
4
5
1
2
3
4
5
