Լյուսի Հայրապետյանը նորություն ունի
Life
«Ամենայն հավանականությամբ, ինձ վստահված կլինեն առավոտյան եթերները։ Եվս մի հետաքրքիր նախագիծ է սպասվում, սակայն առայժմ չեմ ուզում բացահայտել մանրամասները»,– ասաց նա։
Լյուսիի խոսքով` առօրյայում ինքը փոփոխական չէ, սակայն աշխատանքում սիրում է նոր փորձարկումներ անել։ «Ես հատուկ չեմ ձգտում փոփոխությունների։ Կյանքս բերում է նոր իրավիճակներ, ես էլ փորձում եմ»,– ասաց նա։
Մոդելից հետաքրքրվեցինք` արդյոք իրեն չի գտնում, դա է պատճառը, որ պարբերաբար իրեն փորձում է նոր դաշտում։
«Իսկապես, ես ուզում եմ ինձ գտնել։ Գուցե ծիծաղելի հնչի, բայց ես ինձ չեմ գտնում։ Ինձ դուր է գալիս և՛ հաղորդավարությունը, և՛ դերասանությունը, և՛ մոդելինգը։ Վերջերս ինձ առաջարկեցին նկարահանվել սիթքոմում, գլխավոր դերերից մեկն են առաջարկել. սկզբում ասացի, որ չեմ կարող, քանի որ ժամանակս չի ներում, սակայն այսօր առավոտյան որոշեցի, որ կնկարահանվեմ։ Ուզում եմ փորձել և հասկանալ, ի վերջո, ո՞րն է իմը»,– ասաց նա։
Մի մարդը չի կարող ամեն ինչ կատարյալ անել, մոդելը խոստովանում է, որ տարբեր ուղղություններն արդեն սկսում են խանգարել իրար, սակայն մեկը մյուսից գերադասել չի կարողանում։
«Աշխատանքս արդեն իսկ սկսել է տուժել։ Ես ստիպված էի հրաժարվել մոդելային մի շարք նախագծերից, սակայն ինձ դուր է գալիս այն, ինչով զբաղվում եմ։ Փորձում եմ մասնագիտորեն մոտենալ ամեն ինչին։ Առավել պրոֆեսիոնալ լինելու համար շուտով գնալու եմ խոսքի վարպետության դասերի»,– ասաց նա։
Ըստ Լյուսիի` շատ աշխատանքներ անելու ցանկությունը պայմանավորված չէ շատ գումար աշխատելով։ «Ինձ կլորիկ գումարով ակումբում աշխատելու առաջարկ արեցին, որից հրաժարվեցի։ Ինձ համար ավելի թանկ է, որ երեկոյան ինձ հարազատ մարդու հետ ժամանակ անցկացնեմ, քան 500 հազար կամ 1 մլն դրամ ավել աշխատեմ։ Իհարկե, կարևոր է նաև գումար աշխատելը, սակայն պետք է ժամանակ մնա աշխատածդ գումարը վայելու համար»,– ասաց նա։
Այս փուլում Լյուսին նաև դիմահարդարում է սովորում, որպեսզի կարողանա ինքն ապահովել իր դիմահարդարումը և ժամանակ խնայել։ «Այսօր առաջին դասս էր, ասացին` լավ է ստացվում, ինչի համար շատ ուրախացա։ Սակայն ուրիշներին դիմահարդարում չեմ անի։ Ես նախանձ եմ։) Չեմ ուզում ուրիշներին սիրունացնել, ես ինձ կսիրունացնեմ։ Եթե լուսանկարիչ լինեի, երևի, լավ լուսանկար չէի անի, որովհետև իրենք սիրուն լուսանկարներ կունենային, իսկ ես կմնայի կադրից դուրս։) Եսասիրական մոտեցումս, հավանաբար, իմ մասնագիտությամբ է պայմանավորված։ Սովորել եմ լինել ուշադրության կենտրոնում»,– իրեն բնորոշ անկեղծությամբ ասաց մոդելը։
1
2
3
4
5
2
3
4
1
2
3
5
