Հայտնի է դարձել Թբիլիսիում թուրքական սրճարանները ավիրելու շարժառիթը
Աշխարհ
Ինչպես արդեն հայտնել էինք, «Քարթուլի ձալա» (վրացական ուժ) ազգայնական կազմակերպության անդամ հանդիսացող հարյուրավոր երիտասարդներ երեկ Թբիլիսիում ավերել են Աղմաշենեբելի պողոտայի վրա գտնվող թուրքական խանութները և սննդի օբյեկտները:
Այսօր հեռախոսազրույց ունենալով Թբիլիսիի Աղմաշենեբելի պողոտայի (նախկինում` Պլեխանովի փողոց) շենքերից մեկում բնակվող մեր ծանոթի հետ, ով երեկվա անկարգությունների ականատեսն էր եղել, Nyut.am-ի թղթակիցը որոշ մանրամասներ է պարզել:
«Երեկ, վաղ առավոտից այս պողոտայի թուրքական սրճարաններում, ռեստորաններում և խանութներում թուրքական երաժշտություն էր լսվում: Թուրքական մուղամի ձայնն այնքան բարձր էր, որ ականջ էր սղոցում: Իսկ երեկ մեզ, վրացիներիս համար սգո օր էր. աբխազական զորքերի կողմից Սուխումը գրավելու տարելիցը:
Թուրքերին զգուշացրին, որ անջատեն երաժշտության ձայնը, իսկ նրանք` արհամարհեցին խնդրանքը: Մեկ ժամ անց այս պողոտայում գտնվող թուրքական ամեն ինչ աղբի վերածվեց: Թբիլիսիում առանց այն էլ ատելության մթնոլորտ է թուրքերի հանդեպ: Ուշադիր աչքը կնկատի, որ թուրքերը մեր գեղեցիկ մայրաքաղաքը վերածել են արևելյան բազարի»,-վրդովված պատմեց Աղմաշենեբելիի բնակիչ Մամուկան:
1
2
3
4
5
2
3
4
1
3
4
