Սկանդալից հետո Պավլյուչենկոն հեռացավ
Սպորտarmtimes.com / Ռուսաստանի հավաքականի նախկին հարձակվող Ռոման Պավլյուչենկոյի շուրջ ստեղծված աղմուկն ավարտվեց Մոսկվայի «Արարատի» հետ պայմանագրի խզմամբ: Ինչպես ակումբի ղեկավարությունը եւ ֆուտբոլիստը հայտարարում են ակումբի ֆեյսբուքի պաշտոնական էջում, համագործակցությունը դադարեցվել է երկկողմ համաձայնությամբ:
«Ցանկանում եմ ներողություն խնդրել երկրպագուներից, թիմակիցներիցս ու բոլոր նրանցից, ովքեր ստեղծել են այս ակումբը ու կապ ունեն նրա հետ, այն դատարկ աղմուկի համար, որ մամուլում վերջին օրերին ստեղծվել է իմ շուրջ: Այդ ամենի պատճառը թյուրիմացությունն էր: Հիմա բոլոր հարցերը լուծված են, եւ իմ ու ակումբի միջեւ ոչ մի խնդիր չկա, բաժանվում ենք որպես ընկերներ»,- ասել է Պավլյուչենկոն՝ ավելացնելով, որ հրաշալի ժամանակ է անցկացրել «Արարատում» եւ միշտ աջակցելու է թիմին:
Ակումբն էլ իր հերթին շնորհակալություն է հայտնել ֆուտբոլիստին իր կատարած աշխատանքի համար:
Վերջին մի քանի օրերի ընթացքում ռուսական մամուլում սկանդալի պատճառ էր դարձել ակումբի ներկայացուցիչների կողմից տարածած տեղեկությունը, թե Պավլյուչենկոն առանց թույլտվության ժամանակից շուտ արձակուրդ է գնացել: Ֆուտբոլիստն էլ իր հարցազրույցներում նշել էր, որ դա սուտ է, եւ ինքը թույլտվություն ունեցել է: Մամուլում սկանդալային հայտարարությունների համար ղեկավարությունը հարձակվողի բոնուսներն 99%-ով կրճատել էր:
Պավլյուչենկոն «Արարատի» կազմում մասնակցել է 12 հանդիպման: Այդ խաղերում մրցակիցների դարպասը գրավել է 9 անգամ:
1
2
3
4
5
2
3
4
5
2
3
4
