Պետերբուգում առյուծին սովորեցրել են հայերեն հասկանալ. տեսանյութ
ԱշխարհՍանկտ Պետերբուգից 27-ամյա գործարար Արտյոմ Մարտիրոսյանը 2016-ի հոկտեմբերին առյուծի ձագ է ձեռք բերել, անունը դրել Լեգենդ և սկսել տեսանյութեր տարածել` ներկայացնելով պետերբուրգյան բնակարաններից մեկում առյուծի կյանքը, գրում է rusarminfo.ru-ն:
«Ամենասկզբում ես Գազան անունով կոկորդիլոս ունեի: Իմ բնակարանում իրեն շատ լավ էր զգում: Հետո ինձ նվիրեցին այս փոքրիկ առյուծը: Գազանն ու Լեգենդը իրար հետ միանգամից լեզու գտան: Բայց կոկորդիլոսը հիվանդության պատճառով սատկեց: Լեգենդը հիմա Ղրիմի արգելոցում է», ասել է Արտյոմ Մարտիրոսյանը:
Գիշատիչների սիրահարի խոսքով ինքը երբեք չի վախեցել կենդանիներից, նրանց հետ վարվել է սովորական կատուների նման:
«Միայն առյուծիս համար էի վախենում: Գուցե մի բան այնպես չանեի և նրան ցավեցնեի: Լեգենդան հայերեն հրաշալի գիտի, քանի որ ես և ծնողներս նրա հետ հայերեն էինք խոսում», պատմել է Արտյոմ Մարտիրոսյանը` նշելով, որ առյուծը դարձել է Սանկտ Պետերբուրգի մարտական ակումբների թալիսմանը:
Արտյոմը նաև հավելել է, որ շուտով մեկնելու է Ղրիմ` Լեգենդին տեսնելու, որ Պետերբուգից հեռանալուց հետո մի քանի օր ոչինչ չի կերել և սպասում է տիրոջ այցին:
1
2
3
4
5
1
2
3
4
5
2
3
4
5
