Ամերիկացին տեսանյութերում 365 անգամ ամուսնության առաջարկ է արել ընկերուհուն՝ ցուցադրելով դրանք աղջկա ծննդյան օրը (տեսանյութ)
LifeԱմերիկացի Դին Սմիթը 365 օր նախապատրաստվել է իր ընկերուհի Ջենիֆերին ամուսնության առաջարկ անելու համար: 2014 թվականի հունվարի 8-ից Սմիթը սկսել է ամեն օր նկարել իրեն տեսանյութերում՝ ամուսնության առաջարկ անելով գրատախտակի վրա գրության միջոցով:
Time-ի հաղորդմամբ՝ Սմիթը տեսանյութեր է նկարահանել ամենօրյա գործերն անելու ընթացքում. նա ամուսնության առաջարկ է արել իր սիրեցյալին ատամները մաքրելու, նախաճաշ անելու և լվացքը հավաքելու ժամանակ:
Նշվում է, որ Սմիթը ներկայացրել է իր անակնկալը, երբ նրանք արձակուրդի են եղել Կարիբյան ծովի Արուբա կղզում՝ աղջկա ընտանիքի հետ:
Ջենիֆերի ընտանիքը մասնակցել է յուրօրինակ ամուսնության առաջարկին. աղջկա ծննդյան օրը՝ 2015 թվականի հունվարի 8-ին, նրանք ուղեկցել են նրան լողափ՝ վերցնելով նույն գրատախտակները, որոնք երիտասարդն օգտագործել է իր տեսանյութերում: Այնուհետև նրանք նստեցրել են աղջկան աթոռի վրա, և վերջինս դիտել է հուզիչ տեսանյութը:
«Ես ուղղակի ուզում էի ասել՝ ինչքան եմ սիրում քեզ, ուզում էի՝ իմանաս՝ ինչքան խելացի, հետաքրքիր, հոգատար և աներևակայելիորեն գեղեցիկ ես: Ինձ համար դու կատարյալ ես», - ասել է երիտասարդը տեսանյութում:
Սմիթը բացահայտել է, որ ինքը սկսել է պատրաստել տեսանյութը, երբ հասկացել է, որ ուզում է իր կյանքն անցկացնել աղջկա հետ:
«Ջենիֆեր, այս աշխարհում ամենաշատը քեզ եմ սիրում: Գիտեմ՝ դու այն մարդն ես, որի հետ ցանկանում եմ անցկացնել իմ կյանքը, սակայն նաև ուզում եմ, որ սա ճիշտ ժամանակին ասվի՝ պահը հատուկ դարձնելու համար: Հաջորդ տարի ցույց կտամ՝ ինչքան եմ սիրում քեզ, և որ դու ամեն օր իմ մտքերում ես: Ես ցանկանում եմ ամուսնանալ քեզ հետ», - տեսանյութում ասում է երիտասարդը:
Տեսանյութը ցուցադրելուց հետո Սմիթը մոտեցել է աղջկան և ծնկի իջել նրա առջև:
1
2
3
4
5
2
3
4
1
3
4
