Էրդողանը լվաց ձեռքերը Ալիեւից
ԱշխարհԼրագիր / Ռուսաստանի արտաքին գործերի նախարար Լավրովը նոյեմբերի 20-ի առավոտյան ժամանել է Բաքու եւ հասցրել է հանդիպել Իլհամ Ալիեւի հետ, քննարկել ռուս-ադրբեջանական երկկողմ հարաբերությունն ու խոսել արցախյան գործընթացի մասին: Թե Լավրովը, թե Ալիեւը հայտարարել են, որ շահագրգռված են խնդրի շուտափույթ կարգավորմամբ:
Դրանից առաջ սակայն կարեւոր հայտարարություն է արել Թուրքիայի նախագահ Էրդողանը, նախորդ շաբաթ, երբ թուրք լրագրողների հետ հանդիպմանն անդրադառնալով Պուտինի հետ Արցախի խնդրի քննարկմանը, նշել է, թե Պուտինը հույս չունի, որ հնարավոր է «տարածքների վերադարձի» տարբերակը: Էդողանը խոսել է ՄԱԿ ԱԽ հայտնի բանաձեւերի մասին, որ ընդունվել էին դեռեւս երկու տասնամյակ առաջ, ու նշել, որ բարձրացրել է դրանց հարցը Պուտինի հետ հանդիպմանը: Պուտինն, ըստ Էրդողանի, համաձայն է, բայց փաստորեն լավատես չէ, որ հնարավոր է դա իրականացնել:
Սոչիում Պուտինի հետ հանդիպումից հետո Թուրքիայի նախագահի այդ հայտարարությունը հատկանշական է: Դա փաստորեն հայտարարություն է այն մասին, որ Պուտինը հնարավոր չի համարում ստատուս-քվոյի փոփոխությունը: Լավրովը Բաքու է ժամանում Էրդողանի այդ հայտարարության, այդ մթնոլորտի պայմաններում: Ընդ որում, Թուրքիայի նախագահի հայտարարության մեջ առկա է թերեւս մեկ այլ, ավելի ուշագրավ մի հանգամանք: Խոսելով ՄԱԿ ԱԽ բանաձեւերի մասին, նա ասել է, թե դրանց իրականացումը հնարավոր չի եղել կողմերի իրարամերժ դիրքորոշումների պատճառով:
շարունակությունը՝ կայքում
1
2
3
4
5
1
2
3
4
5
2
3
4
5
