Պուտինը չի անի այդ քայլը
Աշխարհ«Էրդողանը Ղարաբաղի հարցի մեջ չի կարող մտնել: Նախ՝ Ռուսաստանը ինքն իրեն դիտում է Հարավային Կովկասում՝ դոմինանտ երկիր, երկրորդ՝ մեր ժողովրդով չենք կարողանում անկախ պետականության արժեքը գնահատել: Ով լինի-չլինի, գիգանտ, ճարպակալած, քոսոտ, ինչպիսին Թուրքիան է տվյալ պարագայում, չի կարող այդ հարցը առանց մեզ լուծել, և Պուտինն անգիր գիտի՝ դա ՀՀ սուվերեն իրավունքն է, մանավանդ պետք է հաշվի առնենք Ապրիլյան պատերազմը: Ապրիլյան պատերազմից հետո միջին սերնդի անկախության գնալու մղումը, հաղթանակը և ռուսական նախագծի տապալումը, Կրեմլում առաջացրին վտանգ, որ 300 տարվա իրենց բարեկամը վերադառնում է պատմական արմատներին»,- «Առաջին լրատվական»-ի հետ զրույցում ասաց քաղաքագետ Լևոն Շիրինյանը՝ անդրադառնալով Էրդողան-Պուտին հանդիպումից հետո Էրդողանի այն դիտարկմանը, թե Պուտինը հույսեր չի կապում, որ ղարաբաղյան 5 շրջաններն Ադրբեջանին կվերադարձվեն:
Անդրադառնալով ռուս-թուրքական հարաբերությունների մերձեցմանը, քաղաքագետը նշեց, որ դա մերժվածների ամուսնություն է, Ռուսաստանը չի կարողանում Եվրոպայի և ԱՄՆ-ի հետ հարաբերությունները կարգավորել, պատժամիջոցների երկաթյա շղթայի մեջ է հայտնվել և սեղմվում է, Թուրքիան, որը Ռուսաստանի հետ սիրախաղ է անում Արևմուտքից ինչ-որ բան պոկելու համար:
Անդրադառնալով Լավրովի՝ Հայաստան այցին, նա նշեց, որ Լավրովը գալիս է ուժերի հավասարակշռության փոփոխության արդյունքները գնահատելու, ինչ է եղել Ապրիլյան պատերազմից, «Սասնա ծռեր»-ի և Սարի թաղի ապստամբությունից հետո:
1
2
3
4
5
1
2
3
5
2
4
