Վարչապետը հանձնարարականներ տվեց ու ժամանակ դրեց նախարարների վրա

ՀՀ կառավարության նիստից առաջ վաչապետ Կարեն Կարապետյանը մի շարք հանձնարարականներ տվեց:

Հանձանարականներից առաջինը վերաբերում էր Սննդամթերքի անվտանգության պետական ծառայությանը: Նա նշեց, որ վերջին օրերին սպառողների միության ներկայացուցիչների, գործարարների հետ հանդիպման ընթացքում բավական շատ է խոսվել սննդի անվտանգության պաշտպանության ծառայության մասին:

«Պարո´ն Առաքելյան, Ձեզ հանձնարարություն՝ հաշվի առնելով հնչեցված մտահոգությունները և դժգոհությունները՝ ուսումնասիրել հարցը՝ շեշտը դնելով նաև այն հարցի վրա՝ լաբորատորիան պե՞տք է լինի այդ վարչության մեջ, թե պետք է լինի անկախ և տալ առաջարկություն: Երկրորդ՝ սեփականաշնորհված ակտիվներ, գույք՝ բազմաթիվ տարիների ընթացքում, որոնք այսօր չեն աշխատում: Ուստի հանձնարարում եմ էկոնոմիկայի, ֆինանսների, տարածքային կառվարման և զարգացման նախարարություններին նախևառաջ գույքագրել այդ ունեցվածքը, մշակել և ներկայացնել չօգտագործվող անշարժ գույքի շահագործման խթանմանն ուղղված տնետեսական, իրավական կամ այլ մեխազիմների ներդրման համակարգային առաջարկություն:

Ինչի մասին է խոսքը, բոլորս հասկանում ենք՝ մենք պետք է փորձենք սեփականատերերին մոտիվացնել և ակտիվացնել, որպեսզի այդ գույքն աշխատի:

Գնումների վերաբերյալ՝ երրորդ հարցը: Մենք խնդիր ունենք գնումները կանոնակարգելու: Ելնելով դրանից՝ աշխատակզմի ղեկավար-նախարարին հանձնարարվում է քննարկել կենտրոնացված կարգով գնումների կազմկակերպման մեխանիզի ներդրման հնարավոությունը և ներկայացնել առաջարկություն, թե որ ապրանքներն ու ծառայություններն են նպատակահարմար ձեռք բերել կենտրոնացված կարգով:

Միաժամանակ պետք է առաջարկվեն գնման մեխանզիմներ: Մենք գնումներ կազմակերպող բազմաթիվ կազմակերպություններ ունենք, և կարծում եմ՝ այստեղ ծախսերի նվազեցման և գների ճշտման ավելի կառավարելի համակարգ կարող ենք ունենալ»:

Վարչապետը գործադիր իշխանության բոլոր մարմիններին հանձնարարեց վերանայել իրենց կառավարման ոլորտում գտնվող ՊՈԱԿ-ների գործունեության նպատակահարմարությունը և առաջարկներ ներկայացնել դրանց թվաքնակի կրճատման և օպտիմալացման վերաբերյալ:

Նրա խոսքով՝ ՊՈԱԿ-ների գործունեությունը նպատակահարմար համարելը պետք է հիմնավորված լինի, գործառույթները պետք է լինեն հստակ և չկրկնվող:

Կարեն Կարապետյանն ասաց, որ կան բազմաթիվ ՊՈԱԿ-ներ, որոնք հաստատուն ծախսեր ունեն և իր համար գոնե առաջին շրջանում հասկանալի չէր, թե նրանց օգուտը որն է: Նա նշեց, որ այդ ամենը պետք է շատ խիստ, կոշտ վերանայել, յուրքանչյուր լուման պետք է հիմնավորվի, թե ինչ նպատակի է ծառայում: Նույնը վերաբերում է ԾԻԳ-երին, որոնք գնումների գործընթացով են զբաղվում:

Կարեն Կարապետյանը սպորտի և երիտասարդության հարցերի, ՀՀ արտակարգ իրավիճակների, ՀՀ մշակույթի, ՀՀ քաղաքաշինության նախարարներին հանձնարարեց մեկ շաբաթյա ժամկետում քննարկել նրանց ենթակայության տակ գտնվող ԾԻԳ-երի լուծարման հարցը և առաջարկ ներկայացնել:

Կարեն Կարապետյանը, խոսելով տարածքների համաչափ և տնետսական զարգացման ոլորտի մասին, տրածքային կռավարման և զարգացման նախարարին հանձանարարեց մեկամսյա ժամկետում համագործակցելով էկոնոմիկայի, սպորտի և երիտասարդության հարցերի, կրթութայն և գիտության,աշխատանքի և սոցիլական հարցերի, տրանսպորտի և կապի, գյուղատնտեսության, էներգետիկայի և բնական պաշարների նախարարների հետ ուսումնասիրել բոլոր ոլորների՝ 2017թ, բյուջեի նախագծի թեմատիկ դաշտերը և ներկայացնել առաջարկներ տարաքների զարգացման ռազմավարությանը համապատասխանեցնելու նպատակով, որպեսզի «մենք ունենանք հասկանալի վեկտոր՝ ուր ենք գնում»:

Վարչապետը տարածքային կառավարման և զարգացման նախարարությանը հանձնարարեց երեքշաբաթյա ժամկետում վերանայել և լրամշակել համայնքային զարգացման հինգամյա ծրագրի մշակման և կառավարման մեթոդաբանությունը՝ չափելի և հսկելի պահանջներ դմելով համայանքային զարգացման ծրագրերի նկատմամբ:

Նրա խոսքով՝ այդ փաստաթղթերը պետք է ապահովվեն տնտեսական զարգացում: Նա ասաց, որ յուրաքանչյուր համայնք, յուրաքանչուր ղեկավար պետք է ունենա «հորիզոն, թե ինչ է ուզում, որ ադ բնկավայրոմ լինի, պետք է ծրագիր ունենա, պետք է ունենա երազ, թե ինչ քաղաք, գյուղ, համայնք է պատկերացնում»: Նա հանձանարարեց մեթոդաբանությունը մաքսիմալ պարզ դարձնել, փաստթուղթը պետք է լինի ընեթրցելի, հասկանալի, պրագմատիկ:

Տեղեկացնում է 168.am-ը