Դատավորին «ցռան մոզի» անվանելու համար Պավել Մանուկյանին նոր մեղադրանք է առաջադրվել
Բաց մի թողեք«Սասնա ծռեր» խմբի անդամ Պավլիկ Մանուկյանին նոյեմբերին նոր մեղադրանք է առաջադրվել:
Այս մասին դատարանում մի քանի լրագրողի հետ զրույցում ասաց նրա պաշտպան Ինեսսա Պետրոսյանը: Նա նշեց, որ Պավլիկ Մանուկյանին մեղադրանք է առաջադրվել դատարանում դատավորին վիրավորելու համար՝ քրեական օրենսգրքի 343-րդ հոդվածի 3-րդ կետի հատկանիշներով (Դատարանի նկատմամբ անհարգալից վերաբերմունքը, որը դրսեւորվել է պաշտոնեական լիազորությունների իրականացման առնչությամբ դատավորին վիրավորելով՝ պատժվում է տուգանքով՝ նվազագույն աշխատավարձի երկուհարյուրապատիկից հինգհարյուրապատիկի չափով, կամ կալանքով՝ երկուսից երեք ամիս ժամկետով):
Մասնավորապես, ըստ մեղադրանքի Մանուկյանը Էրեբունի եւ Նուբարաշեն վարչական շրջանների ընդհանուր իրավասության դատարանում Սասնա ծռերի գործով դատական նիստերից մեկի ժամանակ անհարգալից վերաբերմունք է դրսեւորել դատարանի նկատմամբ՝ դատավոր Արտուշ Գաբրիելյանին անվանելով «Ցռան մոզի»:
Պետրոսյանն ասաց, որ այսօր գործով նախաքննության ավարտ է հայտարարվել: Մեր հարցին ի պատասխան ասաց, որ Էրեբունի եւ Նուբարաշեն վարչական շրջանների ընդհանուր իրավասության դատարանի դատավոր Արտուշ Գաբրիելյանը տուժող չի ճանաչվել, ոչ էլ հարցաքննվել է: Որպես վկա հարցաքննվել են դատական կարգադրիչները:
1
2
3
4
5
1
2
3
5
2
4
