Համացանցում է հայտնվել քրեական հեղինակության սպանության պահը ֆիքսող տեսագրությունը
Աշխարհ
Համացանցում հայտնվել է Ռուսաստանի Արմավիր քաղաքի ռեստորաններից մեկում կիրակի գիշերը տեղի ունեցած փոխհրաձգության տեսանյութը։
Ինչպես հայտնում է ren.tv–ն, տեսանյութում երևում է, որ հաստատությունում տղամարդկանց միջև բախում է տեղի ունեցել։ Հանցագործը կրակ է բացել մարդկանց ուղղությամբ։ Սակայն դրանից հետո վիճաբանության մասնակիցների միջև սկսվել է ծեծկռտուք։ Կրակողին նույնպես փորձել են գետնին գցել։
Ավելի վաղ հաղորդվում էր, որ վիճաբանությունը սկսվել է «Վիտյազ» անվտանգության գործակալության պետ Սերգեյ Բորովոյի և տեղական քրեական հեղինակության Անդրեյ Սարայանցի լեզվակռվից։ Առաջինը կրակել է Բորովոյը։ Ստացած վնասվածքներից քրեական հեղինակությունը տեղում մահացել է։
Դրանից հետո Սարայանցի ընկերը` Մուխթար Մալսյուգենովը, պատասխան կրակ է բացել Բորովոյի և նրա կողքին կանգնած ընկերոջ` Արմավիրի արտագերատեսչական անվտանգության պետի ժամանակավոր պաշտոնակատար, Ռոսգվարդիայի գնդապետ Պյոտր Լոմակինի ուղղությամբ։ Մալսյուգենովը նրանց ուղղությամբ արձակել է մի քանի կրակոց, ինչի հետևանքով նրանք հիվանդանոցում մահացել են։
Ինչպես հայտնում է ՌԴ ՔԿ Կրասնոդարի երկրամասի քննչական բաժինը, միջադեպի փաստով հարուցվել է քրեական գործ ՌԴ ՔՕ 105–րդ հոդվածի 2–րդ մասի հատկանիշներով (սպանություն)։
1
2
3
4
5
1
2
3
4
5
2
3
4
5
