Ձեռքերդ վար․ 10 ծանրակշիռ առիթ մաստուրբացիայի համար

Երբ խոսք է գնում ձեռնաշարժության (մաստուրբացիա) մասին, սովորաբար դա դառնում է կատակի առարկա, իսկ աղջիկների մաստուրբացիայի մասին ընդհանրապես գերադասում են լռել՝ համարելով դա սեռական անզսպության նշան։ Իրականում մաստուրբացիան առողջ, հրաշալի ու հաճելի միջոց է՝ ճանաչելու քեզ լավագույնս։

Ներկայացնում ենք 10 պատճառ, ըստ որոնց՝ հրաժարվելը մաստուրբացիայից իսկական անմտություն է․

1․ Բոլորը անում են դա

Որքան էլ որ տաբուացված լինի կանանց մաստուրբացիայի թեման, նրանց մեծամասնությունը զբաղվում է դրանով՝ այս կամ այն հաճախությամբ։ 1953 թ․ Քինզիի՝ ԱՄՆ-ում անցկացրած անանուն հարցումների համաձայն, կանանց միայն 62%-ն է խոստովանել, որ զբաղվում է մաստուրբացիայով, այսօր՝ մինչև 30 տարեկան աղջիկների և կանանց 92%-ը խոստովանում են դա։

2․ Կախարդական փայտիկ

Ինքնաբավարարումը օրգազմ ստանալու ամենապարզ ու անվտանգ միջոցն է։ Այդ ընթացքում բացառվում է ձեռք բերել որևէ վարակ կամ հղիանալ։ Նաև՝ ամենաարագը։ 5-15 րոպե, և ամեն ինչ պատրաստ է։ Եթե մաստուրբացիայով զբաղվեք պարբերաբար, գործն ավարտին հասցնել կհաջողվի գրեթե միշտ, ի տարբերություն սեքսի, երբ տղամարդու տասնյակ օրգազմներին բաժին է հասնում մեկ կամ երկու կանացի օրգազմը։

3․ Արագ և ուժեղ

Պարբերական մաստուրբացիան լայնացնում է սեքսուալ զգացողությունների ամպլիտուդը, օրգազմը դառնում է ավելի երկարատև ու ուժեղ։ Կարելի է հասնել նույնիսկ միստիկ էքստազային վիճակների՝ դուրս գալով գիտակցության սահմաններից, որը նմանվում է մեդիտացիայից հետո տեղի ունեցող ուղեղի վերբեռնված վիճակին։ Շատերը դրա համար միլիոններ են ծախսում՝ թմրանյութեր ձեռք բերելու վրա, իսկ աղջկան բավական է միայն ձեռքը խոթել սեփական վարտիքից ներս։

4․ Հնարավորությունների ընդլայնում

Շատերդ նախանձում եք ձեր ընկերուհիների հաջող օրգազմներին, չմտածելով, որ ձեր օրգանիզմը նույնպես ընդունակ է դրան, ուղղակի պոտենցիալն ուսումնասիրել է պետք։ Գոյություն ունեն ձեր մարմնի ճիշտ մասերում նոր զգացողություններ արթնացնելու բազում արդյունավետ եղանակներ, բայց մտքի ուժով դրանք գտնել անհնար է․ դա կարելի է գտնել մաստուրբացիայի միջոցով։

5․ Պլյուս երջանկություն, մինուս ստրես

Օրգազմի պահին կնոջ գլխուղեղի այն մասը, որը կապված է տագնապի և վախի հետ, դադարում է գործելուց։ Խթանվում է օքսիտոցինի արտադրությունը։ Դա մի հորմոն է, որը հիպոթալամուսից արտազատվում է ուղիղ դեպի արյան հոսք, ջերմության ու հանգստության զգացում է հաղորդում։ Հարցումների համաձայն, մաստուրբացիա անող աղջիկների և կանանց 40 տոկոսի համար գլխավոր պահանջմունքը թուլանալն է։ Դեպրեսիայի ռիսկը նույնպես նվազում է՝ շնորհիվ էնդորֆինների արտազատման։ Այդ իսկ պատճառով՝ մաստուրբացիայի միջոցով ստրեսը հանելը ամենաանվտանգ մեթոդն է։ Անվճար, արդյունավետ, կախվածություն չառաջացնող։ 

6․ Գլխացավ չկա

Նույն այդ էնդորֆինները հրաշալի ցավազրկողներ են։ Օրգազմով ավարտվող մաստուրբացիան անց է կացնում գլխացավը, որոշ դեպքերում՝ նույնիսկ միգրենը, թեթևացնում դաշտանի ցավերը։ Ի դեպ, դաշտանի ժամանակ մաստուրբացիայով զբաղվելու որևէ հակացուցում չկա։ Միայն անհրաժեշտ է պահպանել հիգիենայի կանոնները։

7․ Սեքսը գերադասելի է

Մաստուրբացիան երբեք չի կարող փոխարինել սեքսին։ Այն սովորեցնում է ավելի լավ գիտակցել սեփական ցանկությունները և գլուխ հանել, թե հատկապես ինչն է ձեր մարմնին դուր գալիս։ Այդ իսկ պատճառով, մաստուրբացիայով զբաղվող կանանց պահանջմունքները սեքսի ժամանակ ավելի հստակ են, նրանք ավելի մատչելի են բացատրում զուգընկերոջը, թե ինչ են ուզում, ստանում են ավելի մեծ բավարարվածություն և առավել շատ են հակված փորձարկումների։ Այնպես որ, մաստուրբացիան ձեզ սեքսին լավագույնս ադապտացնելու ուղիղ ճանապարհն է։ 

8․ Անկախության տոն

Երբեմն դուք չեք հասկանում՝ ձեզ ավելի շատ օրգա՞զմ է պետք, թե՞ կոնկրետ որևէ տղամարդ։ Ձեր սեռականությունը անձնային գիծ է, որը փոփոխվում ու զարգանում է ժամանակի ընթացքում, և դրա հետազոտման համար երբեմն անհրաժեշտ է, որ որևէ մեկը կողքից չխանգարի։ Նախ, սովորեք տարբերել կոնկրետ մարդու հանդեպ հակումը՝ պարզապես սեռական լիցքաթափման ցանկությունից։ Երկրորդ, որևէ գեղեցկադեմ դերասանի մասին ձեր ֆանտազիաները հաստատ կողմնակի օգնության կարիք չեն զգա։

9․ Սնուցեք գլխուղեղը

Հետազոտությունները ցույց են տվել, որ մաստուրբացիայով զբաղվող աղջիկների արյունը սնուցել է գլխուղեղի բոլոր տեղամասերը, այն դեպքում, երբ հատուկ դրա համար արվող շատ վարժություններ նման արդունքի կեսն էլ չեն ունենում։ Մաստուրբացիան ձեզ ավելի խելացի չի դարձնի, բայց այ գլխուղեղը կսկսի ավելի շատ թթվածին ու սնուցում ստանալ և ավելի լավ աշխատել։

10․ Ճանապարհ դեպի քեզ

Տգետների կատակները՝ «անմխիթար ու ճարազուրկ մաստուրբանտների» մասին, թողեք ետևում։ Մաստուրբացիան բարձրացնում է ինքնագնահատականը և սեփական մարմնի ընկալումը։ Որքան շատ հաճույք է պատճառում ձեզ ձեր մարմինը, այնքան շատ եք նրան երախտապարտ լինում՝ իր գոյության համար։