Ալիեւի նվերը դուրս են շպրտել Թուրքիայի պառլամենտից
Ամենաընթերցված
1990-ական թվականներին Թուրքիա կատարած այցի ժամանակ Ադրբեջանի նախագահ Հեյդար Ալիևը խորհրդարանին մի մեծ գորգ էր նվիրել, որի վրա պատկերված էր Քեմալ Աթաթուրքը` մարշալի համազգեստով: Արդեն ավելի քան քսան տարի այդ նվերը կախված էր Թուրքիայի խորհրդարանում: Երբ 2002-ին իշխանության եկավ Ռեջեփ Թայիբ Էրդողանը, այն սրահը, որի պատից կախված էր Ալիևի նվերը, տրամադրվեց ընդդիմությանը: Սրահն անվանում էին «Մարշալի սրահ»:
Օրերս գորգը հանվել է պատից ու դուրս բերվել խորհրդարանի շենքից, քանի որ խորհրդարանի շենքը վերանորոգվում է, հեղաշրջման ձախողված փորձի ժամանակ իրականացված պայթյուններից վնասվելու արդյունքում:
Իշխող կուսակցության ներկայացուցիչ Սալիմ Ուսլուն երեկ հայտարարել է, թե Աթաթուրքի պատկերով գորգն այլևս չի կախվելու խորհրդարանում: «Սա զորանոց չէ, թող այն տեղադրեն զորանոցներից մեկում»,- ասել է Ուսլուն: Նրա այդ հայտարարությունից հետո որոշվել է Հեյդար Ալիևի նվերը հանձնել որևէ թանգարանի:
Ադրբեջանում խիստ վիրավորվել են Ալիևի նվերի նկատմամբ այս արհամարհական վերաբերմունքից և ԶԼՄ-ներով մեծ աղմուկ բարձրացրել:
1
2
3
4
5
2
3
5
1
2
3
4
5
