Ինչ է իրենից ներկայացնում առողջ ճարպակալումը

Հավանաբար շատ եք լսել «առողջ ճարպակալման» մասին. կարծիք կա, որ մարդը կարող է ճարպակալում ունենալ, բայց դրա հետ մեկտեղ միանգամայն առողջ լինել: Բժիշկները, սակայն, պնդում են, որ այնպիսի հասկացություն, ինչպիսին առողջ ճարպակալումն է, ուղղակի չի կարող գոյություն ունենալ:

Գիտնականները հերքել են «առողջ ճարպակալման» մի քանի առասպելներ:

Առասպել 1. Մարդը կարող է «առողջ ճարպակալում» ունենալ

Առողջ ճարպակալում ասելով՝ սովորաբար նկատի ունեն, որ եթե ճարպակալմամբ մարդկանց մետաբոլիկ առողջությունը նորմայի սահմաններում է, ապա նրանք ոչ մի լրացուցիչ վտանգի չեն բախվում: Սակայն այդպես չէ: բազմաթիվ հետազոտություններ ցույց են տվել, որ «մետաբոլիկ առողջ» մարդկանց, որոնք ճարպակալում ունեն, միեւնույն է՝ սպառնում է սիրտ-անոթային հիվանդությունների մեծ վտանգը, ներառյալ կաթվածներն ու սրտային անբավարարությունը:

Եթե ճարպակալմամբ մարդը ֆիզիկապես ակտիվ է եւ առողջ սննդակարգի է հետեւում, բայց միեւնույն է՝ ավելորդ կիլոգրամներ ունի, չի կարելի բացառել, որ ավելորդ քաշի հայտնվելու պատճառը ինչ-որ հիվանդություն է, որի մասին նա անգամ չգիտի:

Առասպել 2. Գեր երեխան տարիքին զուգահեռ կնիհարի

Գոյություն ունի առասպել, որ գեր երեխաները ժամանակի ընթացքում նիհարում են, ուստի ոչ մի հատուկ ռեժիմի կարիք չունեն: Գիտնականների խոսքով՝ սա նույնպես իրականությանը չի համապատասխանում, քանի որ ճարպակալմամբ երեխաների գրեթե 50 տոկոսը գեր է մնում նաեւ մեծ տարիքում: Միայն ճիշտ ընտրված սննդակարգը եւ ակտիվ կենսակերպը երեխաներին կօգնեն բարեկազմ մեծահասակ մարդ դառնալ:

Առասպել 3. Կրծքով կերակրելը երեխային ճարպակալումից պաշտպանում է

Ավաղ, պետք է հերքել նաեւ այն առասպելը, որ կրծքի կաթն իբր երեխաներին ճարպակալումից պաշտպանում է: Կրծքով կերակրելը անչափ շատ առավելություններ ունի մոր եւ մանկան առողջության համար, սակայն ճարպակալումը մի ամբողջ շարք գործոնների ազդեցության հետեւանք է, եւ կրծքով կերակրելը դրանց վրա գործնականում չի ազդում:

Առասպել 4. Ճարպակալման պատճառը մեծ քանակությամբ սնունդն է

Ճարպակալման մասին ամենատարածված առասպելներից մեկը կապված է այն կարծիքի հետ, որ մարդիկ, որոնք ավելի շատ են ուտում, ավելի են գիրանում: Իրականում հենց սոված մնալը կարող է ճարպակալում առաջացնել, քանի որ օրգանիզմը փոխադրում է այն նույն ռեժիմին, որի դեպքում նա կպաշարի ստացած յորաքանչյուր կալորիան: Ամեն ինչ կախված է ոչ թե այն հանգամանքից, թե որքան եք ուտում, այլ՝ որքան հաճախակի եք ուտում, հատկապես ինչ մթերքներ եք օգտագործում եւ որքան է չափաբաժնի մեծությունը: Կարելի է ավելի մեծ քանակությամբ սննդամթերք ուտել, որոնք օրգանիզմում ճարպերի այրման պրոցեսներ են առաջացնում:

Առասպել 5. Ճարպակալումը եւ ժառանգական հիվանդությունը

Եվս մեկ առասպել վկայում է, որ ճարպակալումը ժառանգական է: Չնայած գենետիկան իր ավանդն ունի ավելորդ քաշ ձեռք բերելու պրոցեսում, այնուամենայնիվ շատ բան կախված է կենսակերպից: Դուք ճարպակալմամբ եք տառապում ոչ թե այն պատճառով, որ այն ունեցել են նաեւ ձեր ծնողները, այլ այն պատճառով, որ առողջ կենսակերպի չեք հետեւում, որին, ամենայն հավանականությամբ, չեն հետեւել նաեւ ձեր ծնողները: