Գիտնականները կանխատեսել են Եվրոպայում մուսուլմանների ճակատագիրը
ԱշխարհԱմերիկյան Pew Research Center կենտրոնի հետազոտողները նկարագրել են Եվրոպայում մինչև 2050թ. մուսուլման բնակչության աճի 3 սցենարները:
Զեկույցը հրապարակվել է կազմակերպության կայքում:
Գիտնականները հաստատել են Եվրոպայում վերջին 2 տարվա ընթացքում ներգաղթյալների հոսքի պատճառով մուսուլմանների թվի կտրուկ աճը. 2016թ. կեսերին նրանց թիվը հասել է 25,8 միլիոնի կամ եվրոպական բնակչության 4,9%-ը:
Համաձայն մասնագետների կողմից կանխատեսված առաջին սցենարի՝ եթե Մերձավոր Արևելքի և Աֆրիկայի մուսուլման երկրներից ներգաղթն անմիջապես դադարեցվի, ապա 2050թ. Եվրոպայում մուսուլմանները կկազմեն բնակչության 7,4%-ը:
Երկրորդ սցենարի համաձայն՝ եթե այդ ներգաղթի հոսքը պահպանվի միջին մակարդակում, ապա մուսուլմանները կկազմեն բնակչության 11,2%-ը:
Եվ, վերջապես, եթե հոսքը նույնքան ակտիվ լինի, որքան 2014 և 2016թթ.-ին, ապա XXI դարակեսերին Եվրոպայում մուսուլման բնակչությունը կկազմի 14%-ը, ինչը բարձր է ներկայիս ցուցանիշից:
Ընդ որում, գիտնականները կազմել են երկրների ցուցակը, որտեղ մուսուլման բնակչությունը կարող է առավել զգալի աճ գրանցել: Այդ երկրների ցուցակը գլխավորել է Շվեդիան:
1
2
3
4
5
1
2
3
4
5
2
3
4
5
