«5 պլյուս». առաջին վեբ-սերիալը Հայաստանում (տեսանյութ, լուսանկարներ)
LifeՀայաստանում առաջին վեբ-սերիալն է նկարահանվել, որը կոչվում է «5 պլյուս»։ Սերիալի այս ժանրը նորություն է հայաստանյան ֆիլմարտադրության ոլորտում եւ, որպես նորություն, արդեն իրենից մեծ հետաքրքրություն է առաջացնում: NEWS.am STYLE-ի հետ զրույցում նախագծի պրոդյուսեր եւ սցենարի հեղինակ Արփի Վանյանը նշեց, որ սերիալը հասանելի է YouTube-ում։
««5 պլյուսը» երիտասարդական, մանկապատանեկան սերիալ է, որի հերոսները ընտանիքի հինգ երեխաներն են ու նրանց շրջապատող այլ մարդիկ։ Նրանց հայրն ու մայրը խոպանում են, եւ տատիկի խնամքին մնացած ընտանիքը որոշում է գյուղից տեղափոխվել Երեւան։ Պատմությունն ինչ-որ առումով նաեւ սոցիալական տարրեր է պարունակում, ցույց է տալիս երեխաների ադապտացիան մայրաքաղաքի կյանքին եւ այլն»,-ասաց պրոդյուսերը:
Իսկ ի՞նչ է վեբ-սերիալը, ինչ նպատակներ են հետապնդում ստեղծագործական թիմի անդամներն ու ինչ պլաններ ունեն. Արփի Վանյանը նշում է.
«Վեբ սերիալը սերիալի մի տեսակ է, որը ստեղծվում է համացանցի միջոցով ցուցադրելու համար, թեկուզ չի բացառվում, որ այն հետագայում կարող է հեռարձակվել նաեւ հեռուստատեսությամբ: Այս ժանրը վերջին ժամանակներում մեծ թափ է հավաքել, եւ պատճառն այն է, որ օր օրի աճում է համացանցից օգտվողների բանակը: Մարդիկ, մեծ մասամբ երեխաներն ու երիտասարդները, իրենց հետաքրքրող ողջ տեղեկատվությունը ստանում են համացանցից, ինչպես նաեւ հենց համացանցում տեղադրված ֆիլմերն ու սերիալներն են դիտում: Միայն այն, որ յութուբյան բլոգերները միլիոնավոր հետեւորդներ ունեն, արդեն հերիք է՝ հասկանալու, որ ապագան համացանցինն է, ուստի նաեւ վեբ-սերիալներինը»:
Վեբ սերիալի պրոդյուսերը նշեց, որ հայտնի դերասանների հետ մեկտեղ՝ Արմեն Թադեւոսյան, Գայանե Մկրտչյան, ԳՌԱՖՍԵՐ, սերիալում խաղում են նաեւ տաղանդավոր երեխաներ եւ արվեստի դպրոցի ուսանողներ:
Հավելենք, որ «5 պլյուսը» թողարկվելու է շաբաթական երկու անգամ՝ երեքշաբթի եւ ուրբաթ օրերին։
1
2
3
4
5
1
2
3
5
1
4
