Ինքն իր արժեքը լավ գիտի․ «Չորրորդ իշխանություն»
Հասարակություն
Chi.am-ը գրում է․
Սերժ Սարգսյանի եղբայրը` Լեւոն Սարգսյանը, հայտարարել է, թե իր` Մատենադարանի տնօրեն դառնալու մասին լուրերը «հերյուրանքներ» են, իսկ ինչ վերաբերում է իրեն Գյումրիի պատվավոր քաղաքացու կոչում շնորհելուն, ապա ինքը տեղյակ չի եղել, «նույնիսկ Հայաստանում չի եղել», իսկ հիմա ովքեր դա արել են` թող իրենք էլ գան պատասխան տան։
Լեւոն Սարգսյանի անկեղծությունն ուղղակի սպանիչ է։ Ենթագիտակցորեն նա հասկանում է, որ իր` Մատենադարանի տնօրեն դառնալը խայտառակություն կլիներ, դրա համար էլ այդ լուրը «հերյուրանք» է անվանում (եւ ոչ թե, ասենք, ապատեղեկատվություն)։ Այսինքն` համարում է, որ դրանով իրեն զրպարտում են։
Իսկ ինչ վերաբերում է Գյումրիի պատվավոր քաղաքացու կոչմանը, ապա Լեւոն Սարգսյանն ակնհայտորեն իրեն նման կոչում տալը հանցանք է համարում (ի դեպ` միանգամայն իրավացիորեն)։ Եվ իսկույն էլ, ինչպես ցանկացած մեղադրյալ, առաջ է քաշում իր ալիբին` «ես նույնիսկ Հայաստանում չեմ եղել»։ Ու բնականաբար` մեղքը բարդում է ուրիշների վրա. ովքեր արել են այդ ղալաթը, թող նրանք էլ պատասխան տան։
1
2
3
4
5
1
3
4
5
1
3
4
