Ի՞նչ կարող է պատմել դեմքը մարդու առողջական վիճակի մասին

Մարդու դեմքի ձեւը շատ բան կարող է պատմել նրա առողջության մասին: Իսկ հակառակ սեռի ներկայացուցիչները հաճախ հենց դեմքի ձեւից են հասկանում, թե արդյոք համակրելի է այդ մարդը զուգավորման համար: Այա մասին նշում են Մաքուորիի համալսարանի գիտնականները:

Frontiers in Psychology ամսագրում հրապարակված հետազոտությունը ցույց է տվել, որ նիհար դեմք ունեցողներն ավելի առողջ են թվում: Իսկ ճարպի ավելի քիչ քանակը դեմքի վրա, ոմանց կարծիքով, խոսում է արյան նորմալ ճնշման մասին: Հավանաբար հետազոտողների եզրահանգումները կհանգեցնեն դեմքի ձեւի միջոցով առողջական վիճակի ախտորոշման մեթոդների մշակման:

Մասնագետները Մալազիայի 50 չինացիների, 50 եվրոպոիդի եւ 50 սեւամորթ տղամարդկանց՝ դեմքի չեզոք արտահայտությամբ լուսանկար են արել: Բոլոր մարդիկ նայել են ուղիղ տեսախցիկին: Գիտնականները նաեւ չափել են Մարմնի զանգվածի ինդեքսը (ՄԶԻ), օրգանիզմում ճարպի տոկոսն ու այդ մարդկանց արյան ճնշումը: Լուսանկարի մարդկանց առողջական վիճակը գնահատել են նույն էթնիկ պատկանելության այլ մասնակիցներ: Գնահատվել են նաեւ դեմքի ձեւն ու չափը:

Հետազոտության երկրորդ մասում եվրոպոիդ խմբի 26 ներկայացուցիչ խնդրել են 60 լուսանկար այնպես փոխել, որ լուսանկարի մարդիկ հնարավորինս առողջ երեւան: Պարզվել է, որ դեմքի ձեւն ու էթնիկ պատկանելությունը սերտորեն կապված են արյան ճնշման հետ: Մասնագետները նաեւ հայտանաբերել են, որ լուսանկարի մարդիկ մասնակիցներին ավելի առողջ են թվացել ՄԶԻ-ի ու ճարպի տոկոսի նվազեցումից հետո:

Այս թեմայով Ազատվեք պզուկներից՝ օգտագործելով հետևյալ սնունդը Վտանգավոր նշաններ, որոնք վկայում են խնդիրների մասին Դեմքի «քարտեզ», որը կպատմի՝ ինչն է անհանգստացնում օրգանիզմին Մեր դեմքը՝ մանրադիտակի տակ / տեսանյութ Դեմքը շատ բան է պատմում առողջության մասին. սովորեք ճիշտ հասկանալ օրգանիզմի ազդանշանները / լուսանկարներ