Նորամուծություն՝ ֆիզիկական անձանց կողմից այլ երկրներից մեքենա ներկրելու ոլորտում

Հայաստանում 2018 թվականի հունվարի 1-ից ուժի մեջ մտնող ապրանքային նշանի նկատմամբ բացառիկ իրավունքի սպառման սկզբունքը սահմանափակումներ չի նախատեսի քաղաքացիների կողմից ապրանքների ներմուծման ժամանակ: Ինչպես հայտնում է «Արմենպրես»-ը, այս մասին լրագրողների հետ զրույցում հավաստիացրեց ՀՀ ԿԱ Պետական եկամուտների կոմիտեի փոխնախագահ Վախթանգ Միրումյանը:

«Հիմա մամուլում կարծես թե ապատեղեկատվություն է շրջանառվում` կապված երրորդ երկրներից ապրանքների ներմուծման, մասնավորապես, զուգահեռ ներմուծման մասով: Դրանցում ասվում է, որ 2018 թվականից մասնավորապես ֆիզիկական անձինք չեն կարողանա մեքենա ներմուծել երրորդ երկրներից: Ես ուզում եմ նշել, որ այդ տեղեկատվությունը չի համապատասխանում օրենսդրության դրույթներին, որը չի վերաբերում ընդհանրապես ֆիզիկական անձանց կողմից կատարվող ներմուծումներին: Բնականաբար, եթե քաղաքացին 2018 հունվարի 1-ից Ճապոնիայից որևէ մակնիշի մեքենա է ներմուծում, ապա նա կարող է ազատ ներմուծել, ինչպես ներկայում», ասաց Վախթանգ Միրումյանը:

Նա նշեց, որ 2015-ի հունվարի 1-ին ԵԱՏՄ-ին անդամակցելուց հետո ի թիվս այլ բացառությունների Հայաստանը զուգահեռ ներմուծման արգելքի մասով ստացավ երեք տարի անցումային ժամանակահատված: Այսինքն` հաջորդ տարվանից վերոնշյալ սահմանափակումը վերաբերելու է բիզնես նպատակներով կատարվող ներմուծումներին:

«Դա նշանակում է, որ երեք տարի հետո, եթե որևէ ապրանքատեսակի ներմուծման մասով իրավատերը իր իրավունքները գրանցել է իրավունքների գրանցման ռեեստրում, ապա այլ հավասար պայմաններում բիզնես նպատակով ապրանքներ ներմուծող անձինք պետք է ստանան իրավատիրոջ համաձայնությունը»,-ավելացրեց նա:

Այս թեմայով Հնարամիտ աղջիկը կեղծ կտրոն է փակցնում մեքենայի պատուհանին՝ իրական տուգանքից խուսափելու համար (տեսանյութ) 7 խորհուրդ մասնագետից, որոնք կօգնեն երկարացնել ձեր ավտոմեքենայի կյանքը Սերժ Սարգսյանը ստորագրեց սկանդալային օրենքը Ինչպես է կատաղած կինը ջարդում սեփական մեքենան․ տեսանյութ Հայտնի է տարվա լավագույն եվրոպական մեքենան (լուսանկարներ, տեսանյութ)