Ինչով զարմացնել հյուրերին Նոր տարուն. խորհուրդներ հանրահայտ խոհարարից

Ձողաձուկ՝ պատրաստված ձիթապտղով և լոլիկով:

Բաղադրիչներ

1. Ձողաձկան (треска) փափկամիս – 500 գ
2. Ալյուր՝ թավալելու համար
3. Աղ, պղպեղ
4. Չերրի լոլիկ – 8 հատ
5. Կոնսերվացված լոլիկ՝ սեփական հյութի մեջ – 500 գ
6. Ռեհան – 1 ճյուղ
7. Սոխ – 1 հատ
8. Մուգ ձիթապտուղ՝ առանց կորիզի – 25 հատ
9. Կապար (каперсы) – 30 հատ
10. Կարմիր պղպեղ չիլի – 1 հատ
11. Սխտոր – 4 ատամիկ
12. Ձիթապտղի յուղ – 120 մլ
13. Մաղադանոս – 1 ճյուղ
14. Սպիտակ գինի – 30 մլ

Պատրաստման եղանակը

1. Սկզբում պատրաստել սոուս «Նապոլի» ձկան համար. բլենդերով հարել կոնսերվացված լոլիկները սեփական հյութով՝ մինչև միասեռ զանգված դառնալը: Կաթսայի մեջ լցնել ձիթապտղի յուղը և սոխը, դնել կրակին: Ավելացնել մանրացրած լոլիկները: Թույլ կրակի վրա եփել ռեհանի ճյուղի հետ՝ անընդհատ խառնելով: Եփել մինչև մի փոքր պնդանալը, աղ և պղպեղ ցանել:

2. Առանց փշերի փափկամիսը կտրատել սթեյքի կտորների, աղ ցանել, մի փոքր թավալել ալյուրի մեջ և ձիթապտղի յուղի մեջ տապակել երկու կողմից՝ մինչև ոսկեգույն դառնալը: Ձկան միսը տապակելիս թավայի մեջ ավելացնել մանր կտրատված չիլին և սխտորը, ձիթապտուղը և կապարը:

3. Այդ ամբողջը միասին մոտ կես րոպե տապակել շատ ուժեղ կրակի վրա: Հետո ավելացնել սպիտակ գինի և թողնել, որ գոլորշիանա:

4. Ձկան վրա ավելացնել «Նապոլի» սոուսը և շոգեխաշել ձողաձուկը՝ մինչև վերջնականապես պատրաստ լինելը: Վերջում աղ և պղպեղ ցանել և ավելացնել մանրացրած մաղադանոս: