Ինչ են հեռախոսով խոսել Թրամփն ու Պուտինը

Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել իր ամերիկացի գործընկեր Դոնալդ Թրամփի հետ՝ քննարկելով երկկողմ հարաբերություններն ու միջազգային քաղաքական օրակարգի մի շարք ճգնաժամային հարցեր՝ այդ թվում նաև Կորեական թերակղզում ստեղծված իրավիճակը:

«Քննարկվել են երկկողմ հարաբերություններին առնչվող արդիական հարցեր, ինչպես նաև ճգնաժամային կետերում տիրող իրավիճակը, մասնավորապես՝ Կորեական թերակղզու միջուկային խնդրի կարգավորումը»,-ասվում է Կրեմլի մամուլի ծառայության հաղորդագրությունում:

Ինչպես հաղորդում է ria.ru-ն՝ Կրեմլի մամուլի ծառայությանը հղումով, հեռախոսազրույցը կայացել է ամերիկյան կողմի նախաձեռնությամբ: Զրույցի ընթացքում պայմանավորվածություն է ձեռք բերվել շփումների շարունակման վերաբերյալ:

Մինչդեռ Թրամփի խոսնակ Սառա Սանդերսը մանրամասնել է, որ Միացյալ Նահանգների նախագահը շնորհակալություն է հայտնել Պուտինին դեկտեմբերի 14-ին կայացած տարեվերջյան մեծ մամուլի ասուլիսի ժամանակ ԱՄՆ տնտեսական բարձր ցուցանիշների մասին փաստելու համար:

Հիշեցնենք, որ երեկ Պուտինը մամուլի ասուլիսի ժամանակ հայտարարել էր, որ Թրամփի կառավարման օրոք Մոսկվան օբյեկտիվորեն տեսնում է բավական լուրջ տնտեսական ձեռքբերումներ: Պուտինի կարծիքով՝ դա վկայում է ներդրողների՝ ամերիկյան տնտեսության նկատմամբ վստահության մասին:

Այս թեմայով Հայաստանի պաշտպանությունն ու հզորացումը՝ Հայաստան-Ռուսաստան-Իրան Ռազմաքաղաքական նո՛ր Դաշինքի մեջ. Խաչիկ Ասրյան Հայաստանը հայտնվել է կիզակետում Ինչ է, ի վերջո, ասել Պուտինը Կարապետյանին Պեսկովը պատմել է, թե ինչի մասին են խոսել Մոսկվայում Սարգսյանը տակտիկական քայլ արեց. Մոսկվան կմիջամտի՞ հանուն Կարապետյանի