Երջանիկը ծեծել է զոքանչին, ապա սպառնացել սպանել

Տղամարդը հայտնվել է ամբաստանյալի աթոռին՝ նախկին կնոջ մորը ծեծի ենթարկելու և սպանության սպառնալիքներ տալու համար:

Ըստ մեղադրանքի՝ Երջանիկ Գեղամյանը 2017թվականի օգոստոսի 26-ին՝ ժամը 17:30-ի սահմաններում, ալկոհոլի ազդեցության տակ, Արարատի մարզի Բաղրամյան գյուղում գտնվող նախկին կնոջ մոր՝ Անահիտ Մանուկյանի տանը վիճաբանել է վերջինիս հետ, որի ընթացքում մարմնական վնասվածքներ պատճառելու դիտավորությամբ ձախ ձեռքի բաց ափով հարվածել է նրա պարանոցին, այնուհետև նույն տան բակում առկա փայտյա աթոռով հարվածել է նրա մեջքին, որից հետո բռունցքներով հարվածել մարմնի տարբեր մասերի՝ կրծքավանդակին, գլխին և վերջինիս առողջությանը՝ կրծքավանդակի և գլխի ծոծրակային շրջանի փափուկ հյուսվածքների սալջարդերի ձևով, պատճառել թեթև վնաս պատճառելու հատկանիշներ չպարունակող մարմնական վնասվածքներ:

Բացի այդ Երջանիկ Գեղամյանը նույն օրը նախկին կնոջ մոր հետ վիճաբանության ժամանակ ասել է, որ սպանելու է նրան և մեղադրանքի համաձայն՝ այդ արտահայտություններն անելու ժամանակ եղել է ագրեսիվ, վախեցնող, դրսևորել է հարձակողական վարքագիծ, սպառնալիքներ հնչեցնելիս բղավել է, փոխվել են նրա դեմքի միմիկաները, աչքերը կարմրել են, ձայնը դարձել է վճռական, կոնկրետ և այդ կերպ նրա հասցեին տվել է սպանության սպառնալիքներ, որն իրականացնելու իրական վտանգ է եղել և որն Անահիտ Մանուկյանն ընկալել է որպես իրական:
Երջանիկ Գեղամյանին մեղադրանք է առաջադրվել ՀՀ քրեական օրենսգրքի 118-րդ և 137-րդ հոդվածի 1-ին մասով:

Նրա նկատմամբ որպես խափանման միջոց է ընտրվել չհեռանալու մասին ստորագրությունը:

Գործը կքննվի Արարատի և Վայոց Ձորի մարզի ընդհանուր իրավասության դատարանում՝ դատավոր Գրիգոր Հովհաննիսյանի նախագահությամբ:

Այս թեմայով Ծնողները ստիպել են 10-ամյա դստերը սեքս անել թոշակառուների հետ Համացանցում է հայտնվել տեսագրությունը, որտեղ ռուս դպրոցականները դասընկերուհուն ծեծում ու լիզել են տալիս կոշիկները Զոքանչը կծել է փեսայի սեռական օրգանը Ծնողները ծեծել են աղջկան՝ ամուսնությունից հրաժարվելու պատճառով Լոռու մարզում երեք եղբայրներով առևանգել են աղջկան և բռնություն գործադրել