«Ունենք հայկական Մոուրինյո». Ռուբեն Հայրապետյանը հանդիպել է լրագրողներին

Հայաստանի ֆուտբոլի ֆեդերացիայի նախագահ Ռուբեն Հայրապետյանը լրագրողների հետ զրույցում անդրադարձել է տարվա լավագույն մարզչին այս տարի չորոշելուն:

«Որոշում կայացվեց, որ գործկոմը չքվեարկի, որպեսզի շահարկումները քիչ լինեն:

Ֆեդերացիային պետք է հեռու պահենք նման բաներից: Լավագույն մարզիչ միշտ էլ չի եղել, ես գտնում եմ, որ մենք ճիշտ չենք արել` սահմանելով այդ անվանակարգը:

Որպեսզի ավելորդ խոսակցություններ չլինեն, քվեակություն չի լինի:

Եթե հիշում եք, ունենք հայկական Մոուրինյու, ով անցյալ տարի հայտարարեց, թե ինքն է լավագույնը, և սխալ ընտրություն է կատարվել: Նման բաներից խուսափելու համար չի որոշվի տարվա լավագույն մարզիչը: Եթե հետագայում գտնենք, որ պետք է որոշվի, կքննարկենք»,- ՀՖՖ նախագահի խոսքերն է փոխանցում «ArmSport.am»-ի թղթակիցը:

Նշենք, որ նախորդ տարի լավագույն մարզչի կոչմանն արժանացել է «Շիրակի» գլխավոր մարզիչ Վարդան Բիչախչյանը, դրանից առաջ` Վարուժան Սուքիասյանը, իսկ 2015-ին` Սարգիս Հովսեփյանը:

Այս թեմայով «Պուտինն ո՞վ ա․ եթե ռուսների հետ եք, ուրեմն քաշված ենք»․ Ռուբեն Հախվերդյան Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ Պետք է ամեն ինչ անել, որ հին օլիգարխը չփոխարինվի նորով. Ռուբեն Վարդանյան «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան