19-ամյա աղջկան մեղադրում են դիմահարդարման միջոցով իր «իրական» դեմքը քողարկելու մեջ (լուսանկարներ)

19-ամյա Վիկտորիան հոգեբանության ֆակուլտետի ուսանողուհի է: Ուսումից բացի՝ Վիկին ունի եւս մեկ հետաքրքրություն՝ դիմահարդարման արվեստը: Աղջիկը հաճախ է դիմահարդարվում, իսկ ստացված արդյունքը հրապարակում է Instagram-ում:

Մի անգամ Վիկտորիան որոշում է սոցիալական ցանցի իր էջում տեղադրել իր երկու լուսանկարները, որոնցից մեկում աղջիկը դիմահարդարված էր, մյուսում՝ ոչ:

Օգտատերերից շատերը միանգամից «հարձակվել են» Վիկտորիայի վրա՝ նրան մեղադրելով խաբեության մեջ:

«Վերջերս մարդիկ շատ են կենտրոնացել իմ արտաքինի վրա՝ մատնանշելով, որ ես բոլորովին նման չեմ ինձ, երբ դիմահարդարված եմ: Որոշ օգտատերեր շարունակում են տեղադրել իմ այդ երկու լուսանկարները՝ նշելով, թե ես խաբեբա եմ, եւ թե առանց դիմահարդարման տգեղ եմ, այդ պատճառով եմ make up-ի միջոցով ծածկում դեմքս: Այդ մեկնաբանություններին ես կպատասխանեմ հետեւյալ կերպ՝ ես սիրում եմ ինձ՝ թե դիմահարդարումով, թե առանց… Ես չեմ դիմահարդարվում այն պատճառով, որ ցանկանում եմ ծածկել թերություններս, ես, ուղղակի, նման բան չէի անի, որովհետեւ կարիք չունեմ մարդկանց որեւէ բան ապացուցել: Չեմ թաքցնի՝ որոշ մեկնաբանություններ իսկապես ստիպում են, որ արտասվեմ, բայց ես չեմ ընկճվում, որովհետեւ չեմ կարծում, թե արտաքինն ամենակարեւորն է»,-նշում է Վիկտորիան:

Աղջկան նաեւ վրդովեցրել են այն մեկնաբանությունները, թե ինքը դիտավորյալ օգտագործում է բաց երանգաքսուք՝ իր իրական մաշկի գույնից բաց երեւալու համար.

«Բոլոր նրանց, ովքեր անգրագետ են, ուզում եմ մի բան ասել՝ երանգաքսուքը պետք է հարմարեցնել մարմնի, ոչ թե դեմքի գույնի հետ: Իսկ եթե նայեք իմ պարանոցի եւ դեմքի երանգներին, դրանք նույնն են: Բացի այդ՝ երբեմն սենյակի լուսավորությունն է այլ երանգ հաղորդում դիմահարդարմանը: Մի խոսքով՝ ես էլ ոչինչ չունեմ ավելացնելու»:

Այս թեմայով Ինչպես 1 րոպեում գեղեցիկ տեսք ունենալ (տեսանյութ) Կարծում եք՝ նրանք անթերի՞ են. իսկ հիմա առանց դիմահարդարման նայեք Հնարքներ, որ պետք կգան բոլոր աղջիկներին (տեսանյութ) Ամռանն ընդառաջ. լողափնյա դիմահարդարում (տեսանյութ) Դիմահարդարման 10 սխալ, որոնց ձեզ տգեղացնում են․ տեսանյութ