Ռոնալդուն մեկնաբանել է իր հասցեին Գրեմիոյի մարզչի հնչեցրած խոսքերը

«Ռեալի» հարձակվող Կրիշտիանու Ռոնալդուն պատասխանել է «Գրեմիոյի» գլխավոր մարզիչ Ռենատո Գաուշոյին աշխարհի ակումբային առաջնության եզրափակչից հետո, որում պորտուգալացին դարձել է միակ ու հաղթական գոլի հեղինակը:

Հետխաղային մամուլի ասուլիսի ժամանակ Գաուշոն հայտարարել է, որ որպես ֆուտբոլիստ` ինքն ավելի լավն էր, քան Ռոնալդուն.

«Սա արժանի չէ պատասխանի: Թվերն ամեն ինչի մասին խոսում են: Լավագույն պատասխանը պարզապես ծիծաղելն է: Եթե նա այդպես է կարծում, ապա ի՞նչ կարող եմ ասել: Երբ ես լսեցի այդ մասին, ցանկացա տեղեկանալ իր կարիերայի մասին, ու կարող եմ ասել, որ նա գեղեցիկ կարիերա է ունեցել»,- ասել է Ռոնալդուն:

Ռենատո Գաուշոն 1982-ից 1999 թվականներին հանդես է եկել բրազիլական տարբեր ակումբներում: Եվրոպայում նա խաղացել է «Ռոմայում» (1988-1989): Գաուշոն Բրազիլիայի հավաքականի կազմում 44 հանդիպման է մասնակցել և դարձել է 5 գոլի հեղինակ:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին