«Քաղաքականությունը քուչի կռիվ չի, որ ասել ես՝ սենց պիտի լինի». Շարմազանովը՝ Սերժ Սարգսյանի այլևս չառաջադրվելու խոստման մասին

Լրագրի զրուցակիցն է ՀՀԿ խոսնակ, ԱԺ փոխնախագահ էդուարդ Շարմազանովը.

Պարոն Շարմազանով, Սերժ Սարգսյանը հայտարարել է, որ 2018-ին միասին թիմով կորոշենք, դեռ կտեսնենք։ Այսինքն՝ որևէ հստակություն չմտցրեց 2018-ի ապրիլից հետո սպասվող իրադարձությունների մասով։ Միաժամանակ ՀՀԿ-ական պատգամավորները նշում են, որ Սերժ Սարգսյանին կխնդրեն դառնալ վարչապետ։ Հիմա կոնկրետ որոշում այս հարցով կա՞, թե ոչ, և չի՞ ստացվում, որ Սերժ Սարգսյանն իր նախկին խոսքերից հրաժարվում է։

Նախ՝ պարոն նախագահն ասել է այն, ինչ սպասվում է և ինչը նախկինում էլ ասել է, որ կգա 2018 թվականը, կուսակցությունն իր գլխավորությամբ կքննարկի այդ հարցը։ Ինչ վերաբերում է իմ ՀՀԿ-ական գործընկերների կարծիքներին, դրանք շատ նորմալ կարծիքներ են։ Ես բազմիցս նշել եմ, էլի կարող եմ նշել, որ այսօր ՀՀ-ում ես՝ Էդուարդ Շարմազանովս, ավելի պատրաստված, ավելի փորձառու, ավելի մարտահրավերներին դիմակայելու և պետությունն ու քաղաքական իշխանությունն առաջնորդելու, ավելի իմաստուն գործիչ, քան Սերժ Սարգսյանն է, չեմ տեսնում։ Սա իմ սուբյեկտիվ կարծիքն է։ Թե ինչ կորոշի կուսակցություն և ինչ կորոշի Սերժ Սարգսյանը, ցույց կտան քննարկումները 2018 թվականի ապրիլին։ Բայց այն, որ իմ սուբյեկտիվ կարծիքով նախագահ Սարգսյանի ծառայությունների և ղեկավարման կարիքը հայրենիքն ունի, սա փաստ է։ Մյուս կողմից՝ որ ֆորմատում, ինչ պաշտոնում կլինի, բնականաբար, այստեղ պետք է լինի նաև պարոն նախագահի ցանկությունը, կուսակցության քննարկումների արդյունքում։ Բնականաբար, իմ հանրապետական գործընկերները հայտնում են իրենց կարծիքը, և որևէ մեկի մոտ գաղտնիք չէ, որ այսօրվա քաղաքական համակարգում Սերժ Սարգսյանից ավելի պատրաստված, անվտանգության մարտահրավերներին դիմակայելու, ազգն առաջնորդելու ավելի պատրաստված ու իմաստուն գործիչ չկա։
Ինչ վերաբերում է նրան, որ իր խոսքից հետ է կանգնում, հետ չի կանգնում, գիտեք ինչ կա, սա քաղաքականություն է։ Սա, կներեք, փողոցի կռիվ չի կամ հարաբերություններ պարզել, որ էս թվին սենց ես ասել, ուրեմն սենց պիտի լինի։ Քաղաքականության մեջ կարող են համակարգեր փոխվել, կարող է իրավիճակ փոխվի։ Մի բան, որ այսօր աշխարհում ընդունելի է և իրական ու արդիական է, 6 ամիս հետո կարող է այլ կերպ լինել։ Մի փոքր իրադարձությունը կարող է փոխել իրավիճակը։ Դա և աշխարհաքաղաքական առումով է այդպես, և առհասարակ պետությունների հարաբերություններում։ Ես կարող եմ որպես պատմաբան հազարավոր նման օրինակներ բերել։ Նժդեհն ասում էր՝ պայմանագրերը գործում են այնքան ժամանակ, որքան իրական են դրանց նոր պայմանները։ Կարող են պայմաններ ու հարաբերություններ փոխվեն։ Նույն ռուս-եվրոպական հարաբերությունները մինչև Ղրիմի խնդիրը մի մակարդակի էին, Ղրիմից հետո մեկ այլ մակարդակի են։ Ֆրանս-ամերիկյան հարաբերությունները մինչև Թրամփի հայտարարությունը մի մակարդակի էին, Թրամփի կողմից Երուսաղեմն Իսրայելի մայրաքաղաք ճանաչելուց հետո այլ մակարդակի են։ Թրամփի հայտարարությունից կես ժամ առաջ որևէ մեկը չէր կարող պատկերացնել, որ պաշտոնական Փարիզը, կամ պաշտոնական Բեռլինը կարող են հանդես գալ հայտարարությամբ, որը տրամագծորեն տարբեր կլինի պաշտոնական Վաշինգտոնի կարծիքից։ Այսինքն՝ այդ ամենը պետք է նայել կոնկրետ ժամանակի մեջ։

շարունակությունը՝ կայքում

Այս թեմայով Հայաստանի պաշտպանությունն ու հզորացումը՝ Հայաստան-Ռուսաստան-Իրան Ռազմաքաղաքական նո՛ր Դաշինքի մեջ. Խաչիկ Ասրյան Նառա Սարգսյանը՝ հղիության, բալիկի սեռի և անվան ընտրության մասին Նախագահը հանդես է եկել հայտարարությամբ ՀՀ նախագահը կարգադրություններ է արել Նախագահը հանդիպել է Սերժ Սարգսյանի և Կարեն Կարապետյանի հետ