Մոդելը ինտիմ միջադիրի պատճառով զրկվել է ոտքից

Լոս Անջելեսից 29-ամյա մոդել Լորեն Վասսերը, որը ոտքից զրկվել է հիգիենիկ տամպոնի պատճառով, լրագրողներին հայտնել է, որ բժիշկները շուտով կկտրեն իր երկրորդ վերջույթն էլ:

Ամեն ինչ սկսվել է 2012 թվականի հոկտեմբերի 3-ից: Վասսերի մոտ դաշտան էր սկսվել, եւ նա օգտագործել է սուպեր+ տամպոններ: Նրան անգիտակից վիճակում հատակին ընկած ոստիկանությունն է հայտնաբերել. աղջկա ջերմաստիճանը 42,2 էր:

Հիվանդանոցում վարակաբանը տամպոնը փորձաքննության է ուղարկել: Անալիզների արդյունքներով մարկերներ են հայտնաբերվել, որոնք վկայել են տոքսիկ շոկի համախտանիշի մասին: Աղջկան արհեստական կոմայի մեջ են դրել, քանի որ նրա օրգանիզմը հիվանդությունը չէր հաղթահարում: Արյան ճնշումը ցատկեր էր կատարում, օրգանները սկսում էին չգործել, ջերմաստիճանը չէր իջնում, իսկ Վասսերի մոտ սրտի տագնապ էր գրանցվել: Այնուհետեւ աղջկա մոտ փտախտ է սկսվել, եւ բժիշկները նրա աջ ոտքն անդամահատել են, ձախի՝ կրունկը եւ մատները:

«Տամպոնների փաթեթի վրա մանր տառերով տոքսիկ շոկի համախտանիշի մասին գրվածը հիմա ինձ ինչ-որ անիրական բան չի թվում: Դրանք իմ մասին են: Ճիշտ է, արտադրողները նախազգուշացնում են, որ դա իրատեսական է, եթե տամպոնը մարմնի մեջ եք թողնում 8 ժամից ավելի: Հիմա ես գիտեմ, որ դա այդպես չէ՝ ես այն կանոնավոր փոխել եմ»,- ասել է Վասսերը:

Լորենը ձգտում է որքան հնարավոր է հաճախ պատմել իր պատմությունը, որպեսզի թույլ սեռի ներկայացուցիչներին պահպանի տամպոնների օգտագործման հետեւանքով հնարավոր բարդություններից: «Ամեն անգամ, երբ հեռուստացույցը միացնում են, սկսում եմ զայրանալ: Հաբերի մասին գովազդները մշտապես նախազգուշացումներ են պարունակում հնարավոր կողմնակի էֆեկտների մասին, ինչպիսին են սրտխառնոցը կամ գլխացավը: Միեւնույն ժամանակ, տամպոնների գովազդում երջանիկ դեռահաս աղջիկները լողափում ուղղակի վազում են լողազգեստով»,- նշել է մոդելը:

Աղջիկը պատմել է, որ մի քանի ամսից կանդամահատեն նաեւ ձախ ոտքը: Բանն այն է, որ նրա օրգանիզմը կալցիումի ավելցուկային քանակություն է արտադրում, որպեսզի «վերականգնի» կորցրած մատները: «Ոսկորը մշտապես աճում է, ես դժվարությամբ եմ քայլում: Այն սղոցելու համար վիրահատություն է անհրաժեշտ: Դրանից բացի, ձախ ոտքիս վրայի բաց խոցի պատճառով չեմ կարողանում վերջույթը թրջել: Ինձ սա զզվեցրել է, ես ցանկանում եմ 5 տարի հետո կրկին օվկիանոսը սուզվել»,- լրագրողներին պատմել է Լորենը: Նա առաջվա պես մոդել է աշխատում եւ պնդում է հատուկ օրենք ընդունելու մասին, որով առողջապահական կազմակերպություններին կոչ կարվի աջակցել կանացի հիգիենայի պարագաների թեստավորմանը դրանց անվտանգությունը որոշելու համար:

Տոքսիկ շոկի համախտանիշը անչափ վտանգավոր բակտերիալ ինֆեկցիա է, երբ սովորաբար անվնաս Staphylococcus aureus կամ Streptococcus bacteria բակտերիաները, որոնք մաշկի վրա են բնակվում, հայտնվում են արյան մեջ եւ սկսում վտանգավոր տոքսին արտադրել:

Այս թեմայով Մոդելների մարմիններն առանց թույլտվության օգտագործել են գովազդի համար. լուսանկարներ Հայ մոդելները միացել են շարժմանը․ լուսանկարներ Բելլա Հադիդը փորձել է երկրպագուների հույզերի ամրությունը՝ տեղադրելով կուրծքը բաց լուսանկարներ Միայն տեսեք, թե ինչ տեսք ունի այս ածուխի պես սև մոդելի երեխան․ լուսանկարներ Բելլա Հադիդը մերկացել է․ լուսանկար