«Ինտերն» ընտրության առջև է կանգնել

Միլանի «Ինտերը» ձմեռային տրանսֆերային պատուհանի ժամանակ ցանկանում է նոր կիսապաշտպան գնել:

Իտալական ակումբի թիրախում են հայտնվել ՊՍԺ-ի ֆուտբոլիստ Խավիեր Պաստորեն և «Մանչեսթեր Յունայթեդի» խաղացող Հենրիխ Մխիթարյանը, գրում է armsport–ը`հղում անելով «La Gazzetta dello Sport»-ին։

Միլանյան ակումբը հենց այս երկու խաղացողների միջև է ընտրություն կատարելու:
Նշվում է, որ «Ինտերը» կիսապաշտպաններից մեկին վարձակալության հիմունքներով կհրավիրի թիմ, քանի որ խնդիրներ ունի ֆինանսական ֆեյր փլեյի հետ և տրանսֆերներ իրականացնել չի կարող:

Վարձակալության ավարտից հետո պարզ կդառնա՝ կցանկանա ակումբն ամբողջությամբ գնել ֆուտբոլիստի տրանսֆերը, թե ոչ:

Դեկտեմբերի 20-ին Հենրիխ Մխիթարյանը շուրջ մեկ ամսվա մեջ առաջին անգամ դաշտ դուրս եկավ ՄՅՈւ–ի կազմում Անգլիայի լիգայի գավաթի` «Բրիսթոլ Սիթիի» դեմ խաղում։ ՄՅՈւ–ն պարտվեց 1:2 հաշվով` բաց թողնելով վճռորոշ գոլը խաղի 93-րդ րոպեին:

Մինչ այդ հայ ֆուտբոլիստը վերջին անգամ խաղադաշտ էր դուրս եկել նոյեմբերի 25–ին «Բրայթոնի» դեմ խաղում։ Հաղորդվում է, որ այդ հանդիպումից հետո Մխիթարյանի ու ակումբի գլխավոր մարզիչ Ժոզե Մոուրինյուի միջև կոնֆլիկտ է տեղի ունեցել։

Դրանից հետո ԶԼՄ–ներում տեղեկատվություն հայտնվեց այն մասին, որ Մխիթարյանը կարող է հեռանալ ՄՅՈւ–ից, ինչն անուղղակիորեն հաստատեց նաև Մոուրինյուն`նշելով, որ եթե Մխիթարյանի համար արժանի գին առաջարկվի, ապա հնարավոր է` նա հեռանա ակումբից հունվարյան տրանսֆերային պատուհանի ժամանակ։
Մամուլում տեղեկատվություն հայտնվեց նաև, որ հայ կիսապաշտպանը կարող է վերադառնալ Դորտմունդի «Բորուսիա»։

Խավիեր Պաստորեն, չնայած հաճախ է հայտնվում փարիզցիների կազմում, այնուամենայնիվ ցանկանում է ավելի շատ խաղաժամանակ ստանալ:

Իտալական լրատվամիջոցները նշում են, որ թե′ Պաստորեի, թե′ Մխիթարյանի ակումբները համաձայն են հրաժարվել խաղացողների ծառայություններից

Այս թեմայով Նորություններ Մխիթարյանի առողջական վիճակից «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Եվրոպա լիգա․ որտեղ է խաղալու Մխիթարյանը Արսեն Վենգերը հորդորել է չանհանգստանալ