Մխիթարյանը երկար դադարից հետո 1-ին անգամ մեկնաբանություն է տվել

Հայաստանի ֆուտբոլի ազգային հավաքականի եւ «Մանչեստեր Յունայթեդի» կիսապաշտպան Հենրիխ Մխիթարյանը երկար դադարից հետո մեկնաբանություն է տվել: Նա խոսել է ՀՀ ֆուտբոլի ֆեդերացիայի մամուլի ծառայության հետ եւ շնորհակալություն հայտնել իրեն 2017 թ. լավագույն ֆուտբոլիստ ճանաչելու համար: Այսօր՝ դեկտեմբերի 22-ին, կիսապաշտպանը կարիերայում 8-րդ անգամ արժանացել է այդ կոչմանը:

«Հպարտ եմ, որ 8-րդ անգամ արժանանում են Հայաստանի լավագույն ֆուտբոլիստի կոչմանը: Շնորհակալ եմ բոլորին այս բարձր պատվի համար: Առիթից օգտվելով՝ ցանկանում են շնորհավորել ամբողջ հայ ժողովրդին առաջիկա Ամանորի ու Սուրբ Ծննդյան օրվա կապակցությամբ: Թող 2018 թվականը մեր երկրի եւ ժողովրդի համար դառնա խաղաղության, բարեկեցության տարի: Հուսով եմ, որ 2018 թվականը նաեւ բեկումնային է լինելու մեր ֆուտբոլի համար, եւ Հայաստանի ազգային հավաքականի հետ նոր նվաճումներ ենք արձանագրելու»,- ասել է նա:

«Մանչեստեր Յունայթեդում» իր իրավիճակի հետ կապված ֆուտբոլիստը ոչինչ չի ասել:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին