Արտակարգ պատահար՝ Երևանում

Արտակարգ դեպք է տեղի ունեցել Երևանում։ Ժամը 14։50-ի սահմաններում թիվ 37 երթուղին սպասարկող Diger մակնիշի 4785 Տ համարանիշի ատոմեքենայի վարորդ՝ 36-ամյա Արտակ Գաբրիելյանը դեռևս անհայտ պայմաններում Կոմիտասի պողոտայում դուրս է եկել ճանապարհի երթևեկելի գոտուց , բախվել գովազդային վահանակին, հայտնվել հետիոտնի համար նախատեսված մայթին և մոտ 250 մետր առաջ ընթանալով՝ բախվել ծառին։

Ինչպես հայտնում է shamshyan.com-ը, ըստ նախնական տեղեկությունների, բարեբախտաբար, զոհեր և վիրավորներ չկան։ Դեպքի վայր են ժամանել Ճանապարհային Ոստիկանության 1-ին սպայական գումարտակի 2-րդ դասակի տեսուչները։

Ավտոբուսում եղել են մեծ թվով ուղևորներ, ովքեր նույնպես չեն տուժել։ Ավտոբուսում գտնվող քաղաքացիներն ասում էին, որ վարորդի ճիշտ և պրոֆեսիոնալ վարելու արդյունքում է, որ վթարը ողբերգական ավարտ չի ունեցել, նա շատ ճիշտ է կողմնորոշվել, խույս է տվել բազմաթիվ հետիոտներից ու հետո բախվել է հաստաբուն ծառին։

Այս թեմայով Ողբերգական ավտովթար. 3 զոհ, 4 վիրավոր Ավտովթարից տուժած երեխան մահացել է «Մերսեդես»-ը բախվել է վերամբարձ կռունկին, վիրավորի վիճակը ծայրահեղ ծանր է Ջրանցքից դուրս են բերել քաղաքացու դին 9-ամյա աղջիկ է վրաերթի ենթարկվել