Նոր մանրամասներ Գյումրիում կանանց դանակահարության դեպքից

Ոստիկանությունը նոր մանրամասներ է հայտնել Գյումրիում երկու կանանց դանակահարության դեպքի վերաբերյալ:

Ըստ այդմ, նշվում է, որ դեկտեմբերի 25-ին, ժամը 21.50-ին, հիվանդանոցից ոստիկանության Մուշի բաժնում հաղորդում է ստացվել, որ իրենց մոտ բուժօգնության են դիմել «որովայնի աջ պատի ձախ կեսի ծակած-կտրած վերք» ախտորոշմամբ` 46-ամյա Հ. Ղ.-ն, և «որովայնի առաջնային պատի ծակած-կտրած վերք» ախտորոշմամբ` 37-ամյա Գ. Ծ.-ն:

Մեկնած օպերատիվ խմբին Գ. Ծ.-ն հաղորդում է տվել, որ նույն օրը, ժամը 20.00-ի սահմաններում, Գյումրիի Վ.Սարգսյան փողոցի 6 շենքի բնակարաններից մեկում, վիճաբանության ժամանակ, 34-ամյա Գագիկ Կ.-ն դանակով հարվածել է իրենց և պատճառել վնասվածքներ, ապա Հ. Ղ.-ին հրել և գցել շենքի շքամուտքի աստիճաններին:

Նշանակվել է դատաբժշկական:

Նույն օրը, ժամը 23.00-ին, Վ.Սարգսյան փողոցի թիվ 6 շենքի դիմացից ոստիկանության ծառայողները Գագիկ Կ.-ին բերման են ենթարկել բաժին:

Գագիկ Կ.-ն ձերբակալված է:

Հանցագործության գործիք դանակն առգրավված է: Կատարվում է քննություն:

Ավելի վաղ հայտնել էինք, որ Գյումրիում դեկտեմբերի 25-ի երեկոյան Գյումրի բժշկական կենտրոն են դիմել դանակահարված երկու կանայք: Գյումրի բժշկական կենտրոնի փոխտնօրեն Արմեն Խաչատրյանը նշել էր, որ 46-ամյա Ղ․Հ․-ն ու 37-ամյա Ծ․Գ-ն իրենց մոտ են տեղափոխվել որովայնի առաջնային պատի ծակած-կտրած թափանցող վնասվածքներով, նրանց վիրահատել են, այժմ միջին ծանրության են:

Հիվանդանոց տեղափոխված կանայք հայտնել են, որ իրենց դանակահարել է կոշկակարը:

Այս թեմայով Գյումրեցիները գրոհել են քաղաքապետարանի շենքն ու քաղաքապետին ստիպել միանալ իրենց Գյումրիում գործադուլ է ԿԵՆՏՐՈՆՈՒՄ 15-ԱՄՅԱ ՏՂԱ Է ԴԱՆԱԿԱՀԱՐՎԵԼ (ՏԵՍԱՆՅՈՒԹ) Արտակարգ դեպք Երևանում․ 2 երիտասարդ է դանակարվել Հոգևորական է դանակահարվել