Դանակահարություն սուպերմարկետի մոտ. եղբայրները վնասվածքներով տեղափոխվել են հիվանդանոց

Երեկ երեկոյան վիճաբանություն եւ ծեծկռտուք է տեղի ունեցել «Էտալոն» սուպերմարկետի մոտ. ծեծկռտուքն ավարտվել է դանակահարությամբ:

ՀՀ ոստիկանության հասարակայնության հետ կապերի եւ լրատվության վարչությունից մեզ տեղեկացրին, որ երեկ ժամը 20.35-ին, ոստիկանության Երեւան քաղաքի վարչության օպերատիվ կառավարման կենտրոն է զանգահարել մի քաղաքացի եւ հայտնել, որ Երեւանի Հարավարեւմտյան թաղամասի սուպերմարկետներից մեկի մոտ վիճաբանություն է:

Նույն օրը հիվանդանոցից ոստիկանութան Մալաթիայի բաժին հաղորդումներ են ստացվել, որ «կրծքավանդակի ձախ կեսի վնասվածք» ախտորոշմամբ բուժօգնության է դիմել 1987 թ. ծնված Ահարոն Ա.-ն եւ «ձախ ձեռքի վնասվածք» ախտորոշմամբ` 1982 թ. ծնված Ավետ Ա.-ն: Նրանք հայտնել են, որ վնասվածքները ստացել են Երեւանի Բաբաջանյան փողոցում գտնվող սուպերմարկետի մոտ:

Ոստիկանության ծառայողների օպերատիվ-հետախուզական միջոցառումների արդյունքում պարզվել է Ավետ եւ Ահարոն Ա.-երին մարմնական վնասվածք պատճառած անձի ինքնությունը: Ձեռնարկվում են որոնողական աշխատանքներ նրան հայտնաբերելու ուղղությամբ:
Նշանակվել է ԴԲՓ:

Կատարվում է քննություն:

Նշենք, որ դանակահարված Ահարոն եւ Ավետ Ահարոնյանները եղբայրներ են:

Այս թեմայով Սեքսը՝ «Երևանյան լճում». խայտառակ տեսանյութ (չափահասների համար) Կրակոցներ Երևանում․ տեսանյութ Արտակարգ դեպք Երևանում․ հայտնի են կրակողները ԿԵՆՏՐՈՆՈՒՄ 15-ԱՄՅԱ ՏՂԱ Է ԴԱՆԱԿԱՀԱՐՎԵԼ (ՏԵՍԱՆՅՈՒԹ) Արտակարգ դեպք Երևանում․ 2 երիտասարդ է դանակարվել