Ինչպե՞ս կարող եք իմանալ ձեր աուրայի գույնը

Աուրան մեր հոգու ներքին վիճակի արտացոլումն է։ Դա անտեսանելի էներգետիկ դաշտ է, որն արտահայտում է մեր տրամադրությունը, զգացմունքները, մտքերն ու էմոցիաները։ Ըստ աուրայի կարելի է հասկանալ մարդու անհատականությունը, նրա գաղտնի ցանկությունները, անցյալը, ներկան և ապագան։ Իզուր չէ, որ շատ էքստրասենսներ իրենց սեանսների ժամանակ փակ աչքերով ձեռքով շոշափում են մարդու դեմքը. այդ կերպ նրանք փորձում են տեսնել աուրան։

Բոլորն ունեն տարբեր աուրաներ՝ տարբեր գույներով, ձևով, չափով ու խտությամբ։ Այս բոլոր պարամետրերը կախված են մարդու զարգացման մակարդակից։ Ձևով իդեալական աուրան օվալ է հիշեցնում։ Սա նշանակում է, որ մարդ ներդաշնակության մեջ է ինքն իր ու շրջակա աշխարհի հետ։ Տձև ու ասիմետրիկ աուրան ներքին թուլության ու անկայունության նշան է։ Աուրայի չափերը կախված են մարդու հոգեկան զարգացման ու նրա ներքին աշխարհի հարստության հետ։ Աուրայի խտությունն ամբիցիաների ու ակտիվության նշան է։ Ցածր խտության աուրան խոսում է դեպրեսիայի ու ուժերի անբավարարության մասին։

Աուրայի գույները կարող են փոխվել ըստ մարդու ներքին վիճակի, բայց որպես կանոն մարդու էներգետիկ դաշտը միշտ վերադառնում է մշտական գույնին, որը որոշվում է նրա անհատական բնութագրիչներով։

Աուրայի գույնն իմանալու համար ընդհանրապես պարտադիր չէ ունենալ էքստրասենային ունակություններ։ Մաթեմատիկայի տարրական գիտելիքները բավարար են։ Այս միջոցը թվաբան ու պարահոգեբան Ռիչարդ Վեբստերինն է, որ ծննդյան ամսթվի ու տարեթվի միջոցով ստանում է թիվ՝ համապատասխան կոնկրետ գույնի։ Բերենք հենց Ռիչարդի օրինակը. նրա ծննդյան ամսաթիվն է 15.05.1955։ Անում ենք հետևյալ քայլերը. 1+5+0+5+1+9+5+5=31 = 3+1 = 4: Ստացանք 4 թիվը։

1 թիվը կարմիրն է։ Այս գույնի աուրան նշանակում է ակտիվություն ու կենսախինդություն։ Այսպիսի աուրայով մարդիկ ամենից հաճախ լավատես են, լի ամբիցիաներով ու նպատակասլացությամբ։

2 թիվը նարնջագույնն է։ Նարնջագույն աուրայով մարդիկ առանձնանում են պարկեշտությամբ, բարեհոգությամբ ու զգացմունքայնությամբ։ Նրանք ամուր կապ ունեն մարդկանց հետ։

3 թիվը դեղինն է։ Դեղին աուրայով մարդիկ ունեն բարձր ինտելեկտ։ Որպես կանոն, նրանք ստեղծագործ ու շփվող են։ Նրանց համար կարևոր է զբաղվել ցանկացած գործով ու օգուտ բերել հասարակությանը։

4 թիվը կանաչն է։ Այսպիսի մարդիկ ընկերասեր են ու մեծահոգի։ Նրանք արագ սովորում են փոփոխություններին ու նոր պայմաններին։ Նրանք ձգում են մարդկանց, քանի որ նրանց աուրան բարություն ու ջերմություն է առկայծում։

5 թիվն ինդիգոն է։ Այսպիսի աուրայով մարդիկ ինտելեկտուալ են, ձգտում են ստանալ նոր գիտելիքներ։ Նրանք ունեն հիանալի ստեղծագործ հատկություններ, հարուստ երևակայություն, բայց նրանց բնավորությունը բարդ է։

6 թիվը երկնագույնն է։ Այս գույնի աուրան խոսում  է ազնվության ու բարեգերծության մասին։ Այսպիսի մարդիկ սիրում են օգնել ու օգտակար լինել մարդկանց։ Նրանք պատասխանատվություն են զգում իրենց մտերիմների համար ու երբեք մենակ չեն թողնում դժվար պահերին։

7 թիվը մանուշակագույնն է։ Այս գույնն ինտուիցիայի ու մարգարեության ունակությունների նշան է։ Երբեմն այսպիսի աուրայով մարդիկ հանրության համար անհասկանալի են դառնում ու մեկուսանում։ Նրանց պետք է ամրապնդել իրենց շնորհն ու չվախենալ օգնություն խնդրելուց։

8 թիվը վարդագույնն է։ Այսպիսի աուրայով մարդիկ շատ աշխատասեր են։ Նրա ցանկությունները հաճախ սահմանափակվում են նյութական արժեքներով։ Իրենց համոզմունքներում նրանց միշտ համառ են ու երբեք ետ չեն դառնում բռնած ճանապարհից։

9 թիվը բրոնզագույնն է։ Այս գույնի աուրան խոսում է զոհաբերության, ամեն կենդանի բանի նկատմամբ սիրո մասին։ Հաճախ այսպիսի աուրայով մարդիկ չեն խնայում իրենց ու իրենց բոլոր ձեռքբերումները տալիս են այլ մարդկանց, ում արժանի են համարում դրան։