Պրեմյեր լիգայի ամենաբարձ վարձատրվող ֆուտբոլիստները. որ տեղում է Հենրիխ Մխիթարյանը

Բրիտանական Daily Mail-ը հրապարակել է Անգլիայի Պրեմյեր լիգայի ամենաբարձ վարձատրվող ֆուտբոլիստների ցուցակը (միայն աշխատավարձը՝ առանց բոնուսների):

Առաջին տեղում է «Մանչեսթեր Յունայթեդի» ֆրանսիացի կիսապաշտպան Պոլ Պոգբան, որի շաբաթական աշխատավարձը 290 հազար ֆունտ ստերլինգ է: Պոգբային հաջորդում է նրա ակումբակից Ռոմելու Լուկակուն, որը ստանում է շաբաթական 250 հազար ֆունտ: 3-5-րդ տեղերը բաժանում են «Մանչեսթեր Սիթիի» ֆուտբոլիստներ Սերխիո Ագուերոն ու Յայա Տուրեն եւ «Մանչեսթեր Յունայթեդի» շվեդ հարձակվող Զլատան Իբրահիմովիչը, որոնք ստանում են շաբաթական 220 հազար ֆունտ:

«Մանչեսթեր Յունայթեդի» կիսապաշտպան Հենրիխ Մխիթարյանը 17-րդ տեղում է: Հայաստանի հավաքականի շաբաթական աշխատավարձը կազմում է 140 հազար ֆունտ ստերլինգ: Նույնքան Լոնդոնի «Արսենալում» ստանում է գերմանացի կիսապաշտպան Մեսութ Օզիլը:

Պրեմյեր լիգայի լավագույն ռմբարկու Հարի Քեյնը Լոնդոնի «Տոտենհեմում» ստանում է շաբաթական 110 հազար ֆունտ եւ հայտնվել է 35-րդ տեղում:

Հիշեցնենք, որ Հենրիխ Մխիթարյանի գործող պայմանագիրը «Մանչեսթեր Յունայթեդի» հետ նախատեսված է մինչեւ 2020 թվականի ամառը:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին