Հետաքրքիր փաստեր կանացի օրգազմի մասին

Վերջին ժամանակներում օրգազմի մասին խոսում և գրում են անհամեմատ հաճախ: Ի՞նչ է այն, ընդամենը հաճու՞յք: Մի՞թե կնոջը բավականություն պատճառելուց բացի, այն այլ նշանակություն չունի, մանավանդ որ կինը կարող է հղիանալ և երեխա լույս աշխարհ բերել՝ նույնիսկ առանց սեքսուալ բավականության բարձրագույն պահերի:

Արդեն շուրջ մեկ դար ամբողջ աշխարհի կենսաբաններին, հոգեբաններին և բժիշկներին մտահոգում է այն հարցը, թե հաճույք պատճառելուց բացի, ուրիշ ինչ նշանակություն կարող է ունենալ օրգազմը: Արդյունքում գոյություն ունեն ավելի քան երեսուն համոզիչ տեսություններ այն մասին, թե հատկապես հանուն ինչի է կինն ապրում օրգազմ:

Հանուն սերնդի շարունակության

Ըստ այս տեսության կողմնակիցների՝ օրգազմը գոյություն ունի պարզապես նրա համար, որպեսզի կանայք հաճելիորեն հոգնեն: Անհեթեթ կարող է թվալ «հոգնել-օրգազմ-սերնդի շարունակություն» հասկացությունների կապակցումը, սակայն՝ մինչև բացատրությանը ծանոթանալը: «Հոգնելն» այստեղ ինքնանպատակ չէ: Բանն այն է, որ այդ վիճակում կինը չի մղվում ակտիվ գործողության, արդյունքում՝ տղամարդու սերմնաբջիջը հեշտորեն հասնում է իր նպատակակետին (ի դեպ, սերմնաբջջին սպառնացող պայման է համարվում կանգնած կամ նստած վիճակում տեղի ունեցող բեղմնավորումը): Այս տեսությունը հիմնվում է հետազոտական փորձի վրա. մի քանի կանանց արգանդներում տեղադրվել են «դեպքի վայրում» օրգազմը նկարահանող մինի-տեսախցիկներ: Պարզվում է, որ կնոջ օրգազմային, թուլացող վիճակում արգանդի վզիկը մկանների ամեն մի կծկման հետ գործում է որպես սերմ ներծծող խողովակ՝ հեշտացնելով սերմնաբջիջների ներթափանցումը, այդպիսով նպաստելով հնարավորինս արագ հղիանալուն (սա կարելի է բացատրել նաև ֆիզիկայի օրենքով՝ մարմինների շարժումն ու վիճակը տարածության մեջ):  
Ավելին` հղի կանանց մոտավորապես քառորդ մասը հաստատում է, որ իր հղիության մասին իմացել է հենց օրգազմի պահին, քանի որ այն եղել է ոչ սովորականի պես` ուժեղ կծկումներով` գրեթե ջղաձգության նման: Սակայն հնարավոր է նաև ճիշտ հակառակը. ըստ սեքսոլոգների՝ կանանց շուրջ 20%-ը սկսում է օրգազմ զգալ միայն ծննդաբերությունից հետո, իսկ 10%-ը՝ արդեն ամուսնացած և երեխաներ ունեցած, ընդհանրապես չգիտի՝ ինչ է դա:

Հանուն տղամարդու

Ընդհանուր առմամբ, կնոջ օրգազմը քիչ է տարբերվում տղամարդու օրգազմից. մարմնի որոշակի ռեակցիան, նյարդային լարվածության թուլացումը, կենսաքիմիական փոփոխությունները հավասարապես առկա են նրանց երկուսի օրգանիզմում: Սակայն կանացի օրգազմը, այնուամենայնիվ, ունի ինչ-ինչ առավելություններ:
Օրինակ՝ դրա երկարատևությունը (մինչև 60 վայրկյան, իսկ առանձին դեպքերում` ավելին): Ինտենսիվությունը․ հեշտանքի ալիքներն ընդգրկում են ողջ օրգանիզմը, մինչդեռ տղամարդու մոտ օրգազմի զգացողությունը տեղակայված է միայն փոքր կոնքի հատվածում։ Տղամարդկանց համար քիչ է միայն իրենց ապրած օրգազմը: Լիարժեք բավարարության համար նրանք պետք է տեսնեն զուգընկերուհու օրգազմային վիճակը: Դա տղամարդու մեջ բարձրացնում է իր անձի կարևորության և տղամարդկային արժանապատվության զգացումը: Եթե նկատի ունենանք, որ ոչ մի տղամարդ չի կարող այնպես համոզված լինել իր հայրության հարցում, ինչպես կինը` իր մայրության, ինչն էլ բավականին լուրջ տագնապ է ուժեղ սեռի համար, ապա հասցնելով կնոջը օրգազմի` տղամարդը ներքին հանգստություն և համոզմունք է ձեռք բերում, որ իր` լիովին բավարարված զուգընկերուհին երբեք իրեն չի փոխարինի մեկ ուրիշով, քանի որ այդ կնոջ համար ինքն ամենակարողն է ու միակը: Թերևս պարզ է առաջին հայացքից անկապակից թվացող «օրգազմ-վստահություն-հայրություն» հասկացությունների հոգեբանական սերտ կապը, սակայն կնոջ սեռականապես բավարարված վիճակը, սիրելիի ինքնագնահատականը բարձրացնելուց բացի, ունի նաև «առողջապահական» նշանակություն: Այդպես են մտածում շվեդ սեքսոլոգները. նրանք հաստատում են, որ կնոջ օրգազմային վիճակը նպաստում է տղամարդու սրտանոթային համակարգի գործունեությանը: Սիրելի կանայք և աղջիկներ, հանուն սիրելիի առողջության չպետք է թաքցնել զգացմունքներն ու կրքերը:

Հանուն ապագայի

Այս տեսության կողմնակիցների կարծիքով` կինը ցանկացած տղամարդու հետ չէ, որ կարող է օրգազմի հասնել, այլ միայն նրա, ով կենսաբանական չափանիշներով համապատասխանում է՝ որպես իր ապագա երեխայի հայր: Մարդը նախ և առաջ պրիմատների կարգի սովորական կաթնասուն է, նոր միայն՝ բանական մարդ։ Եւ ինչպես գրեթե բոլոր կաթնասունների դեպքում, այս դեպքում ևս կողմնորոշիչ դեր է կատարում հոտը: Ինչպե՞ս: Բանն այն է, որ տղամարդու հետ հարաբերությունների նախնական փուլում կինը ենթագիտակցորեն արդեն կողմնորոշվում է. նա հոտով է զգում իր սեռական զուգընկերոջ համապատասխանությունը: Եթե տվյալ տղամարդու հոտը շարունակում է նրան դուր գալ նաև սեռական ակտի ժամանակ, ապա օրգազմն անհամեմատ շուտ և բուռն է տեղի ունենում, որի ժամանակ կնոջ օրգանիզմը առավելագույն հակվածություն ունի բեղմնավորմանը: «Հոտ-օրգազմ-ապագա» բառերը շատ ավելի ամուր կապ ունեն, քան թվում էր մեզ:

Նյութը պատրաստված է Erkusov.com-ի հրապարակման հիման վրա

Այս թեմայով Էմիլի Ռատակովսկին պաղպաղակ է ուտում ու մեքենայի մեջ սեքսով զբաղվում (Video) Ինչ հետևանքների կարող է բերել հեշտանքի բացակայությունը ինտիմ հարաբերությունների ժամանակ Համակուրսեցիների սեռական սկանդալը ձեզ շոկի կենթարկի. կադրերը համացանցում են. ՏԵՍԱՆՅՈՒԹ Սեքսոլոգները բացատրել են, թե ինչու են կանայք օրգազմ ձևացնում «Ցանկանում եմ կնոջս և մեկ այլ տղամարդու հետ սեքս անել. հայ տղայի սանձարձակության կադրերը հայտնվել են համացանցում. ՏԵՍԱՆՅՈՒԹ չափահասների համար