Յանա Եգորյանն անկեղծացել է, թե որն էր անցնող տարվա մեջ իր ամենահիշարժան օրը

Ռիո-2016-ի կրկնակի օլիմպիական չեմպիոն, ռուսաստանցի սուսերամարտիկ Յանա Եգորյանն այս տարի անակնկալ այցելեց Հայաստան, այնպես, որ գրեթե ոչ ոք չիմացավ: Նա NEWS.am Sport-ի թղթակցին պատմել էր, որ հորը անակնկալ մատուցելու համար էր եկել Հայաստան: Մինչ Յանան կփորձեր 17 տարվա սպասումից հետո անակնկալը մատուցել, օլիմպիական չեմպիոնի հայրը, երեւանաբնակ Կարապետ Ալավերդյան արդեն տեղեկացել էր դստեր այցի մասին եւ աղջկա անակնկալը ձախողել: Որպես տարվա ամենատպավորիչ իրադարձություն, օլիմպիական չեմպիոնը կառանձնացնի հենց այդ հանդիպումը հոր հետ:

NEWS.am Sport-ի ընթերցողների համար Յանա Եգորյանն ամփոփել է մարզական եւ անձնական տարին:

Կրկնակի օլիմպիական չեմպիոնի 2017 թվականը…

Ինձ համար մրցաշրջանը լավ սկսվեց, բայց տարվա վերջում անկում էր: Ինքս ինձանից եւ այն պատկերից, որը հիմա տեսնում եմ` ամփոփելով իմ տարին, միանշանակ, գոհ չեմ: Պատճառները պարզ են` աշխարհի առաջնությունը ձախողեցի: Վատ էի մարզվում, կային վնասվածքներ, իսկ գլխումս, անկեղծ ասած, սպորտը եւ լավ մարզավիճակ ձեռք բերելը չէր. ուղեղս ամբողջ տարվա ընթացքում այլ տեղում էր:

Չեմ կարող ասել, թե ինչու այսպես ստացվեց. գուցե, Օլիմպիական խաղերից հետո հոգնածությունն իր դերն ունեցավ, գուցե, այլ պատճառներ կային, չգիտեմ: Առհասարակ, Օլիմպիական խաղերից հետո մարզիկներն հոգնում են, բայց նրանք նաեւ հաղթում են կարեւոր մրցաշարերում, որքան էլ ունենում են այդ հոգնածությունը: Բայց երեւի ես այդպիսին չեմ, ես օլիմպիական չեմպիոն դառնալուց հետո երեւի հաղթող չեմ…

Ռիոյից հետո լրիվ ուժասպառ էի եղել, բայց անմիջապես վերսկսեցի մարզումներս: Դադար չունեցա, ինչի հետեւանքով ժամանակի ընթացքում ամեն ինչ գնաց դեպի անկում, իսկ այդ ժամանակ արդեն հետ կանգնելու, դադար տալու հնարավորություն ուղղակի չունեի. սկսել էի, պետք է շարունակեի: Հենց այս վիճակից ելնելով, մրցումներից հաճախակի վերադառնում էի վնասվածքներով: Ունեի ոտքի վնասվածք, կոտրված էր ոտքիս մատը, բայց հավաքականի հետ մեկնեցի Եվրոպայի առաջնության, որտեղ մենք նվաճեցինք արծաթե մեդալ: Այս վիճակում մրցահարթակ դուրս գալը ավելի բարդացրեց վնասվածքս, չկարողացա համապատասխան մարզավիճակ ձեռք բերել աշխարհի առաջնությունից առաջ: ԱԱ-ում պարտվեցի, ուղղակի ձախողեցի: Բայց ոչ թե վնասվածքիս պատճառով, այլ որովհետեւ ես իսկական «հավ» էի:

շարունակությունը՝ կայքում

Այս թեմայով «Երեւանում չափից շատ եմ ուտում»․ Յանա Եգորյան (լուսանկարներ) Յանա Դանիելյանը բացահայտել է իր կանացի «գաղտնիքները» Յանա Եգորյանը՝ Պուտինի վստահված անձ Բլից-հարցազրույց Յանա Եգորյանի հետ. հոգեբանը տվել է նրա նկարագիրը