Վերին Լարսի բարակող թելն ու Մոսկվայի կարճացող մահակը

1in.am

Արտակարգ իրավիճակների նախարարությունը դարձյալ տեղեկություն է տարածել Ստեփանծմինդա-Լարս ավտոճանապարհի փակ լինելու մասին: Հայաստանի տնտեսական հաղորդակցության զարկերակը կրկին կանգ է առել, ինչը սովորական երևույթ է դարձել ձմեռային շրջանում:

Դեպի արտահանման ռուսական շուկա այլընտրանքային ճանապարհը Հայաստանի համար դարձել է կարևորագույն խնդիրներից մեկը: Այլ հարց է, որ այլընտրանքային ճանապարհի փնտրտուքին զուգահեռ՝ պետք է փնտրել նաև այլընտրանքային շուկաներ: Սակայն այստեղ իհարկե կան մի շարք օբյեկտիվ և սուբյեկտիվ իրողություններ, որոնք հիմք են տալիս արձանագրելու, որ ռուսական շուկան դեռևս երկար ժամանակ լինելու է Հայաստանի համար արտահանման գերակա շուկա:

Վիճակագրությունը փաստում է, որ արտահանման ցուցանիշով ավելին է եվրոպական ուղղությունը, որտեղ Հայաստանն ունի GSP+ արտոնյալ ռեժիմը՝ զրոյական կամ շատ ցածր մաքսատուրքով, սակայն այստեղ կա ստանդարտների առանցքային խնդիր, և եթե հանքանյութի արտահանումը հանենք, այսպես ասած, ցանկից, ապա զուտ ապրանքային արտահանումը դեպի Եվրոպա բավականին ցածր է, և անհրաժեշտ չափանիշների համար կպահանջվեն տարիներ:

Միևնույն ժամանակ, անգամ եվրոպական ուղղությամբ արտահանումների աճի պարագան չի կարող նշանակել, որ Հայաստանը չպետք է փնտրի այլընտրանքային ճանապարհ դեպի ռուսական շուկա: Բանն այն է, որ Եվրամիության հետ Ասոցացման համաձայնագիր ստորագրած Վրաստանն անգամ ներկայումս փնտրում է դեպի Ռուսաստան այլընտրանք և Մոսկվայի հետ աշխույժ քննարկում 2011 թվականի պայմանագիրը իմպլեմենտացնելու հարցը, ըստ որի՝ քաղաքական խնդիրների չկարգավորվածության պայմաններում, այնուհանդերձ, պետք է բացվեն Աբխազիայի և Հարավային Օսիայի վիճելի տարածքներով անցնող տրանսպորտային հաղորդուղիները՝ շվեյցարական մոնիտորինգի ներքո:

շարունակությունը՝ կայքում

Այս թեմայով Ահազանգ Լարսից. վարորդներն անելանելի վիճակում են Լարսում կանայք եւ երեխաները մեքենաների մեջ են քնում. թարմացվող (լուսանկարներ) Սերժ Սարգսյանն անվստահությո՞ւն է հայտնում վարչապետին