Նոր մանրամասներ գյուղապետարանի պայթյունից

Լոռու մարզի Մեծ Պարնի գյուղի գյուղապետարանում նախօրեին տեղի ունեցած պայթյունի հետեւանքով վնասվել է 5 սենյակ, փլվել են միջնապատերը:

NEWS.am-ի հետ զրույցում համայնքի ղեկավար Գագիկ Պալյանը նշեց, որ շենքը պիտանի է օգտագործման, այժմ արդեն վերականգնման աշխատանքներն են սկսել:

«Գրասեղաններն են վնասվել, համակարգիչներ, պրինտեր, միջնապատերն են փլվել: Վերանորոգման աշխատանքներն արդեն սկսել ենք, հունվարի 8-ից կսկսենք մեր բնականոն աշխատանքը, եթե ոչ ամբողջ շենքում, ապա գոնե մի մասում»,- ասաց գյուղապետը:

Ավելի վաղ հայտնել էինք, որ հունվարի 2-ի լույս 3-ի գիշերը տեղի ունեցած պայթյունի հետեւանքով Մեծ Պարնիի գյուղապետարանում կոտրվել են ապակիները, փլվել եւ վնասվել միջնապատերը (մոտ 140 քմ): Ըստ նախնական տեղեկությունների, պայթյունի պատճառը եղել է գազի արտահոսքը:

Գագիկ Պալյանի խոսքով, դիտավորություն չի եղել:

Այս թեմայով Ինչպես է տունը պայթում ոստիկանների մտնելուց առաջ․ տեսանյութ Երևանյան երեկվա պայթյունի վայրից տեսանյութ է հրապարակվել «Հատակին նստած լացում էր, կողքին ոչ ոք չկար». ո՞վ է օգնել պայթյունից վնասված 8-ամյա աղջնակին (տեսանյութ) «Զգում էի` քանդվում ա». ինչ է պատմում պայթյունից վիրավորված աղջիկը / տեսանյութ Պայթյուն Հյուսիսային պողոտայում. կան վիրավոր երեխաներ (լուսանկարներ)