Քարդաշյանի մոր՝ 20 տարեկան ժամանակվա լուսանկարները հայտնվել են համացանցում

Այսօր թողարկվել է Ջերի Օփենհայմերի (New York Times-ի ամենամեծ պահանջարկ ունեցող հեղինակը)՝ The Kardashians: An American Drama («Քարդաշյաններ․ Ամերիկյան դրամա») գիրքը։ Ջերին գիրքը գրելու ժամանակ զրուցել է Քիմ Քարդաշյանի մոր նախկին բոյֆրենդ, լուսանկարիչ Ալֆրեդ Մ․ Գարսիայի հետ։

Քրիս Ջեները, որի իսկական անունն է Քրիսթեն Հոութոն, մինչև Ռոբերտ Քարդաշյանի հետ 1978-ին ամուսնանալը, բորտ ուղեկցորդուհի էր աշխատում։ Գարսիայի խոսքով՝ նրանց ծանոթացրել էր Քրիսի ընկերուհին՝ Մենգլը, որի հետ Քրիսթենն ապրում էր այն ժամանակ, ու որը նրա լավագույն ընկերուհին էր։ Քրիսթենը որոշել էր մոդել դառնալ և խնդրել էր Գարսիային լուսանկարել իրեն։ Ալֆրեդը Քրիսթենին գեղեցկուհի չէր համարում։

«Քրիսթենը պոդիումում հայտնվելու համար չէր լուսանկարվում։ Նա ի սկզբանե գիտեր, թե ինչ է ուզում։ Նա ուզում էր փող ու փառք։ Ու ուզում էր ամուսնանալ Ռոբերտ Քարդաշյանի հետ, որի հետ ութ տարի առաջ էր ծանոթացել։ Առհասարակ, նա միշտ հարուստ տղամարդկանց հետ էր հանդիպում: Ունենալով շատ ցածր աշխատավարձ, նա միշտ թանկարժեք մեքենաներով էր գալիս նկարահանումների։ Շուտով մենք բաժանվեցինք, քանի որ ինձ լուսանկարչությունն էր հետաքրքրում, այլ ոչ թե աշխարհիկ կյանքը»,- նշում է Գարսիան՝ հավելելով, որ իրենք առայսօր լավ ընկերներ են մնացել։

«Քրիսը միշտ հանդիպում էր հարուստների հետ ու ավելիին էր ձգտում։ Երբ նա ամուսնացավ Ռոբերտի հետ, նա այդ ամուսնությունն անվանեց «հաջող գործարք», իսկ ինձ հրավիրեցին հարսանիքին որպես լուսանկարիչ։ Պսակադրության արարողությունն անցել էր շքեղ մեթոդիստական եկեղեցում։

Ռոբերտը բարձրակրունկ կոշիկ էր հագել, իսկ Քրիսը  տափակ կոշիկներով էր, որպեսզի ավելի ցածրահասակ թվա»,- պատմում է Գարսիան։