Ինչպես դիմահարդարվել այս տարի. լուսանկարներ գլխավոր թրենդների մասին

Ամեն տարի fashion թրենդներին զուգահեռ ի հայտ են գալիս նաեւ beauty թրենդներ։ Ինչ է մեզ սպասվում այս տարի. Wnews.am-ը ներկայացնում է ստորեւ.

Փայլուն մաշկ

Արդեն որերորդ սեզոն է՝ փայլուն մաշկը թրենդային է համարվում։ Եթե նախորդ սեզոն նորաձեւ էր փայլեցնել հատկապես աչքերի հատվածը, ապա այս տարի կարող է փայլել ամբողջ դեմքը։ Իհարկե, կարեւոր է, որ մաշկը փայլի ներսից՝ իր առողջ տեսքով, սակայն եթե բնատուր չոր մաշկ ունեք, գեղեցիկ փայլ կարող եք ստանալ դեկորատիվ կոսմետիկայի միջոցով։ Այժմ նորաձեւության բլոգերներն ու հայտնի աստղերը դիմահարդարվելուց առաջ իրենց դեմքին խոնավեցնող քսուկի փոխարեն հաճախ կոսմետիկ յուղ են քսում, ինչի արդյունքում ոչ միան խոնավեցնում են մաշկը, այլ նաեւ հիանալի փայլ հաղոդրում։

Ներքին կոպի ընդգծում.

Անգլերենով այս թրենդն ավելի հեշտ է արտաբերել՝ underliner։ Ցուցադրություններում կարելի է բազմաթիվ գաղափարներ գտնել։ Մատիտը պարտադիր չէ սեւ լինի. կարող եք ներքեւի կոպն ընդգծել կանաչով, ինչպես Roberta Einer-ի ցուցադրությանն էր կամ գլիտերով՝ Ralph & Russo ցուցադրությանն էր։

Առանձնացված թարթիչներ.

Թարթչաներկը կիրառեք ոչ միայն վերին, այլ նաեւ ստորին կոպերին։ Այս թրենդը մենք տեսել ենք միանգամից մի քանի ցուցադրություններին. Dior, MSGM եւ այլն։ Շատ ներկված ստորին թարթիչները մեծացնում են աչքերը, սակայն առօրյայում նման դիմահարդարման հետ չարժե վառ ստվերաներկ քսել։

Թափանցիկ փայլուն շուրթեր.

Անփայլ շուրթերի հանդեպ զանգվածային նորաձեւությունը փոխվում է. այժմ թրենդային են 90-ականներից եկող փայլուն շուրթերը։ Գարուն-ամառ նորաձեւության յուրաքանչյուր ցուցադրությանը կարող էինք ականատես լինել շուրթերի բնական դիմահարդարմանը, որտեղ օգտագործել էին միայն շուրթերի թափանցիկ փայլ։ Իդեալական է հենց թափանցիկ փայլը, սակայն ողջունելի է նաեւ կիսաթափանցիկ վարդագույն կամ ծիրանագույն երանգովը։ Ի դեպ, նույն կիսաթափանցիկ մեղմ շրթներկը կարող եք քսել նաեւ այտոսկրերին, կոպերին։

Գլիտեր.

2017-ին թրենդային էր գլիտերը. այն ամենուր էր. ինչպես հագուստում, այնպես էլ դիմահարդարման մեջ։ Գլիտեր՝ աչքերին, շուրթերին, այտոսկրերին… 2018-ին առօրյայում կարող ենք գլիտերը կիրառել աչքերը դիմահարդարելիս։ Փայլեր, քարեր. երեկոյան դիմահարդարումն այսպիսով ապահոված կլինի։

Ոսկեգույն.

Ռիհանան չհայտնագործեց ոսկեգույն դիմահարդարումը, սակայն նա ներդրեց ոսկեգույն հայլայթերը, որը առաջիկա տարիներին կարող եք տեսնել ամենուր։ Ոսկեգույն կարող եք դիմահարդարել նաեւ այտոսկրերը։

Այս թեմայով Ինչպես 1 րոպեում գեղեցիկ տեսք ունենալ (տեսանյութ) Կարծում եք՝ նրանք անթերի՞ են. իսկ հիմա առանց դիմահարդարման նայեք Հնարքներ, որ պետք կգան բոլոր աղջիկներին (տեսանյութ) Ամռանն ընդառաջ. լողափնյա դիմահարդարում (տեսանյութ) Դիմահարդարման 10 սխալ, որոնց ձեզ տգեղացնում են․ տեսանյութ