«Քոմեդի» հեռուստաալիքը կսկսի ցուցադրել «Ֆուլ հաուսը» և «Դոմինոն»

Ucom ցանցում գործող «Քոմեդի» հեռուստաալիքը հունվարի 13–ից ամեն շաբաթ և կիրակի ցուցադրել «Ֆուլ հաուս» և «Դոմինո» սիթքոմները։ Մինչ «Ֆուլ հաուսի» ստեղծագործական թիմը պատրաստվում է պատմության երկրորդ մասի նկարահանումներին, «Քոմեդիի» հեռուստադիտողները հնարավորություն կունենան վերհիշելու, թե ինչն ինչպես սկսվեց, ինչպիսին էին հերոսները տարիներ առաջ, երբ նրանց միջև չէին սկսվել սիրային հարաբերությունները։

«Քոմեդիի» պրոդյուսերներ Արտուշ Գևորգյան ն ու Վահան Մովսեսյանը, ովքեր ընդգրկված են «Ֆուլ հաուսի» սցենարիստների խմբում, զերծ մնացին գնահատական տալ «Ֆուլ հաուսին», սակայն նախագծի բարձր վարկանիշն արդեն խոսում է դրա հետաքրքրության մասին։

««Ֆուլ հաուսը» և «Դոմինոն» վերջին տարիներին ամենամեծ աղմուկ հանած սիթքոմերն են։ Այս մասին վկայում են ռեյթինգները։ Մարդիկ, երևի թե, դեմ չեն լինի վերանայել բոլոր սերիաները և կրկին հանդիպել սիրելի հերոսներին։ Մենք շատ ուրախ ենք, որ ալիքների ղեկավարությունը մեզ հնարավորություն է ընձեռել այդ նախագծերը ցուցադրել «Քոմեդի» ալիքով»,– Tert.am Life-ին ասաց Վահանը։

Արտուշն անդրադարձավ «Քոմեդիի» ընդհանուր կառուցվածքին և ասաց, որ հեռուստաալիքի կոնտենտը հեռուստադիտողին լայն հնարավորություն է տալիս ուրախ ժամանց ապահովելու համար։ Պրոդյուսերները եթերացանցը կազմում են` հաշվի առնելով հայ հեռուստադիտողի նախընտրությունները։

«Քոմեդին» ցուցադրում է հեռուստանախագծեր, ֆիլմեր, հեռուստասերիալներ, սիթքոմեր, ներկայացումներ, որոնք շատ հարազատ են հայ հեռուստադիտողին։ «Անկախ նրանից, թե մարդը հումորի ինչ ժանր է սիրում, «Քոմեդիով» կարող է գտնել իր ճաշակին համապատասխան նախագիծ։ Մենք հիմնականում փորձում ենք հեռուստադիտողին առաջարկել հայալեզու կոնտենտ, սակայն չենք մոռանում, որ կան մարդիկ, որոնք նախընտրում են տիպիկ ամերիկյան, ռուսական կատակերգություններ։ Հեռուստանախագծերի 90 տոկոսը հայալեզու են,շուտով 100 տոկոսը կմատուցենք հայրերոնով, չհաշված «Քոմեդի քլաբը», որը մենք համարում ենք հայրենական արտադրություն։)»,– ասաց Արտուշն ու հավելեց, որ բացառություն կլինեն ֆիլմերը, որոնք ազգություն չեն ճանաչում։

Թեև «Քոմեդին» չի տալիս իր սեփական արտադրանքը և հիմնված է գոյություն ունեցող նախագծերի վրա, հեռուստաալիքը բավականին մեծ հետաքրքրություն է վայելում, քանի որ հումորային նախագծերից շատերը լսարանի մոտ նոստալգիկ զգացողություններ են առաջացնում։

Այս թեմայով «Ես ու նա հիմա գործընկեր ենք». Վարուժան Մարգարյանը` անձնական կյանքի մասին Անելյա Գուբրյանը՝ անչափահաս լինելով` սիրային տեսարաններում նկարահանվելու մասին Լուսանկարներ նոր սիթքոմի նկարահանման հրապարակից «Գաբին բացառություն է». Լուիզա Ղամբարյանը՝ դստեր մասին Լուիզա Ղամբարյանի դուստրը․ լուսանկարներ