Մոուրինյուն խոսել է Սանչեսի հնարավոր տեղափոխության մասին

«Մանչեսթեր Յունայթեդի» գլխավոր մարզիչ Ժոզե Մոուրինյուն խոսել է «Արսենալի» հարձակվող Ալեքսիս Սանչեսի հնարավոր տեղափոխության մասին.

«Չեմ կարծում, որ ճիշտ է խոսել այլ ակումբների ֆուտբոլիստների մասին: Եթե ուրիշ թիմերի մարզիչներ խոսեն իմ ֆուտբոլիստների և նրանց հնարավոր տեղափոխության մասին, ապա դա ինձ դուր չի գա:

Սանչեսը «Արսենալի» ֆուտբոլիստ է և վերջ: Միակ բանը, որ կարող եմ ասել այն է, որ նա ֆենոմենալ խաղացող է:

Ես և ակումբի ղեկավարներն այնքան էլ չենք հավատում հունվարյան տրանսֆերային պատուհանին: Կարծում ենք, որ ֆուտբոլում կան խաղացողներ, որոնց տրանսֆերները պետք է փորձես իրականացնել, անկախ այն հանգամանքից հունվարն է, մարտը թե հունիսը»,- պորտուգալացու խոսքերը մեջբերում է «կարմիր սատանաների» պաշտոնական կայքը:

Հիշեցնենք, որ վերջերս խոսակցություններ էր տարածվել այն մասին, որ «զինագործների» հարձակվող Սանչեսը կարող է կարիերան շարունակել «Մանչեսթեր Յունայթեդում»: Հակառակ ուղղությամբ էլ կարող է ուղևորվել մանկունիանցիների հայ կիսապաշտպան Հենրիխ Մխիթարյանը:

Այս թեմայով Մոուրինյոն կհեռանա, եթե․․․ Մոուրինյուն խաղից հետո մտել է «Սևիլիայի» հանդերձարան Մոուրինյոն կաշխատի Մարգարիտա Սիմոնյանի հե՞տ «Կարո՞ղ եմ գրկել ձեզ». Մոուրինյոն՝ լրագրողին / տեսանյութ Մոուրինյոն խոսել է Պոգբայի մասին