Հում սոխի ցնցող օգտակար հատկությունները

Եթերայուղերով հարուստ լինելու շնորհիվ՝ սոխը կարող է հրաշքներ գործել: EnterTrain-ը ներկայացնում է սոխի հյութով ամենաարդյունավետ բաղադարատոմսերն օրգանիզմի երիտասարդացման և ամրապնդման համար:

Սոխով դիմակ «Երիտասարդության աղբյուր»
1. Ցինկով հարուստ լինելու շնորհիվ՝ սոխը կարող է երիտասարդացնել մաշկը և վերադարձնել դրա առաձգականությունը: Սոխով դիմակը կհարթեցնի կնճիռները և կբացի մաշկի գույնը:

2. Սոխն անցկացրու քերիչով, վրան մեղր ավելացրու: Դեմքիդ բուսական յուղ քսիր, ավելի լավ է՝ ձիթապտղի: Ձեթի վրա քսիր սոխով խառնուրդը: Երբ դիմակի մի շերտը չորանա, հերթով ևս երկու այդպիսի շերտ քսիր: Դա մոտ 30 րոպե կտեևի: Հետո լվացվիր տաք ջրով և դեմքիդ կեֆիր քսիր, որը կվերացնի սոխի հոտը և կհանգստացնի մաշկդ:

3. Այս դիմակը պետք է անել 2 օրը մեկ: Կուրսը 10 պրոցեդուրա է: Դիմակի շնորհիվ՝ մաշկի գույնը կլբացվի, այն կհարթվի, կազատվի փոքր թերություններից: Դեմքի օվալն ավելի հստակ և ձիգ կդառնա: Դիմակը կարելի է քսել ոչ միայն դեմքին, այն շատ հարմար կլինի ցանկացած խնդրահարույց մասի համար:

Սոխի էլիքսիր «Բջիջների վերականգնիչ»
1. Ասկորբինաթթու, յոդ, ֆիտոնցիդներ, ֆլավոնոիդ կվերցետին պարունակող սոխի հյութն ակտիվացնում է մաշկի երիտասարդացումը և բջիջների վերականգնումը:

Խորհուրդ է տրվում էլիքսիր պատրաստել ներքին ընդունման համար, եթե մաշկի հետ կապված խնդիրներ կան, մաշկի գրգռվածություն, քրոնիկական հիվանդություններ: Էլիքսիրը նաև զգալիորեն լավացնում է դեմքի գույնը և ուժեղ կանխարգելիչ միջոց է մրսածության դեմ:

2. Մաքրիր 10 միջին չափի սոխ և 1 գլուխ սխտոր: Դրանց վրա 1 լ. կաթ լցրու և եփիր մարմանդ կրակի վրա 1 ժամ: Վերցրու կրակի վրայից, քամիր և սառեցրու: Ավելացրու 2 ճ. գ. մեղր արդեն սառած կաթին: Պահիր սառնարանում լավ փակվող կափարիչով ապակե շշով:

3. Էլիքսիրն ընդունիր օրական 5 անգամ 1-ական ճ. գ. ուտելու ընդմիջումներին: Այն ոչ միայն կբուժի մաշկը և կերիտասարդացնի այն, այլև կբարձրացնի իմունիտետը և կամրապնդի ամբողջ օրգանիզմը:

Գլուխ սոխի հատկությունները զարմացնում են: Սոխի բնորոշ հոտը կօգնի գլխացավի դեպքում, պետք է մի քիչ սոխով գոլորշի ներշնչել, շուտով թեթևություն կլինի:

Ամեն օր եղունգներին սոխ քսելով կարելի է ամրացնել նույնիսկ ամենափխրուն եղունգները: Որպեսզի ձեռքերից սոխի հոտ չգա, պետք է պարզապես դրանք կիտրոնի հյութով սրբել:

Ճարպ այրող սոխով ապուր
1. Սոխը խթանում է ստամոքս-աղիքային տրակտի աշխատանքը, ակտիվացնում է նյութափոխանակությունը, օրգանիզմից հանում է ավելորդ հեղուկը և տոքսինները: Շատ արդյունավետ է սոխով ապուրով դիետան. ապուրը պետք է ուտել ամեն օր 1 շաբաթ՝ սննդակարգը համալրելով միայն թույլատրված մթերքներով: Սոխով ապուրը կօգնի շատ արագ նիհարել, կմաքրի արյունը, կլավացնի ընդհանուր ինքնազգացողությունը:

2. Սոխով ապուրի համար վերցրու 6 սոխ, մի քանի լոլիկ, 1 գլուխ կաղամբ, 2 բուլղարական պղպեղ, 1 կապ նեխուր կամ մաղադանոս: Ապուրին կարելի է տերևավոր կանաչի ավելացնել, սխտոր, դդմիկ, ծնեբեկ, մի քիչ գազար: Բանջարեղենը մաքրիր և կտրտիր, վրան ջուր լցրու և եփիր մինչև պատրաստ լինելը: Կարելի է ապուրը համեմել սիրելի համեմունքներով, նույնիսկ կծու պղպեղով:

1 շաբաթ ամեն օր ապուր կեր օրական 3 անգամ, կարելի է 4 անգամ: Դիետայի առաջին օրը կարելի է ուտել բոլոր մրգերը՝ բացի բանանից: Երկրորդ օրը խորհուրդ է տրվում ապուրի հետ համադրել ցանկացած բանջարեղեն՝ բացի կարտոֆիլից, ոչ միայն թարմ, այլև խաշած: Երրորդ օրը մրգային է, բայց կարելի է նաև բանջարեղեն ուտել, չորրորդ օրը բանջարեղենային է: Հինգերորդ օրը խորհուրդ է տրվում սննդակարգին ավելացնել 500 գ. հավի միս: Վեցերորդ և յոթերորդ օրերին՝ նույնպես բանջարեղեն, մրգեր և 500 գ. հավի միս:

3. Սոխով ապուրով դիետան շատ հեշտ է ընթանում, քանի որ քաղցի զգացում չի լինում: Այն բացառապես առողջարար է: 1 շաբաթ հետո ոչ միայն կնիհարես, այլև կմաքրես անոթներդ, կառողջացնես մարսողական համակարգդ, կամրապնդես իմունիտետդ:

Ինչո՞վ է օգտակար գլուխ սոխը կանանց համար: Օրական ընդամենը մեկ գլուխ սոխը կօգնի շքեղ տեսք և հրաշալի ինքնազգացողություն ունենալ: Գլուխ սոխը պարունակում է մեծ քանակությամբ А և С վիտամիններ, որոնց պակասը կարող է մաշկի ծերացման և հորմոնալ հավասարակշռության խախտման պատճառ լինել: Սոխը պարունակում է նաև կալցիում և կալիում, որոնք հեշտ են յուրացվում:

Սովորություն դարձրու օրական մեկ գլուխ սոխ ուտելը, և ոչ մի վիտամին պետք չի լինի դեղատնից: Առանձնապես կարևոր է սոխ ուտել աշնանը և ձմռանը: