Հանելուկային դեռահասը՝ Սիայի տեսահոլովակներից. ով է նա ու ինչ տեսք ունի իրական կյանքում. լուսանկարներ

Վերջին տարիներին սպիտակ կեղծամով հանելուկային աղջիկը Sia ապրանքանիշի դեմքն էր: Նրա մասին կպատմի EnterTrain-ը:

Սիայի բոլոր գլուխգործոցները 3 մարդու համատեղ աշխատանքի արդյունք են՝ երգչուհու, տաղանադավոր պարուհու և պարուսույց-բեմադրող Ռայան Հեֆինգթոնի:

Այդ աղջիկը Մեդդի Զիգլերն է: Նա հիմա 15 տարեկան է: Սիայի տեսահոլովակներում նկարահանվում է 2014 թվականից: Առաջինը Chandelier-ն էր: Ընդհանուր 8 հատ: Յուրաքանչյուրը ժամանակին նոր սենսացիա էր:

Մեդդին պարել սկսեց 2 տարեկանում: Երբ նա 9 տարեկան էր, նրա ծնողները բաժանվեցին, աղջկա հայրը համարում էր, որ պարերն էին քանդել ընտանիքն ինչպես ֆինանսապես, այնպես էլ՝ հուզական առումով: Պարում էր նաև նրա կրտսեր քույրը՝ Մաքքենզին: Մայրն օգնում էր իր աղջիկներին:

11 տարեկանում Մեդդին դադարեց հաճախել տարրական դպրոց և անցավ տնային ուսուցման՝ ավելի շատ ժամանակ հատկացնելու համար սիրելի գործին:

Նրա առաջին հաջողությունը եկավ 2011 թ. «Մայրերը պարում» ռեալիթի-շոուում նկարահանվելուց հետո: 2013 թ. նա նկարահանվեց «Մեռնելու աստիճան գեղեցիկ» հեռուստասերիալում: Իսկ մեկ տարի անց Mod Angel-ի հետ համատեղ քրոջ հետ ստեղծեց հագուստի սեփական շարք ՝ The Maddie & Mackenzie Collection: 2016-ին՝ հագուստի սեփական ապրանքանիշ դեռահասների համար՝ Maddie Style: Նաև սկսեց նկարահանվել հայտնի «Նիկի, Ռիկի, Դիկի և Դոն» սերիալում:

Տեսահոլովակներում նկարահանվելուն զուգահեռ Մեդդին որպես մոդել էր աշխատում: Նա գովազդեց նորաձև ապրանքանիշեր, ինչպիսիք են՝ Glitzy Girl-ը, Purple Pixies-ը, Clean & Clear-ը, Capezio-ն, Target-ը, Ralph Lauren-ը: Նաև հայտնվեց Kode, Schön! Magazine, Elle, Harper’s Bazaar, People, Dazed, Cosmopolitan, Teen Vogue և այլ ամսագրերի շապիկներին:

2016 թ. Time ամսագիրը Մեդդիին անվանեց ամենաազդեցիկ դեռահասներից մեկը:

Հաջողության հասնելով՝ աղջիկը հարազատների հետ բացեց Starlight Children’s Foundation բարեգործական հիմնադրամը քրոնիկական հիվանդություններով երիտասարդներին օգնելու համար:

Նյութը հրապարակման պատրաստեց EnterTrain-ը

Տեղեկացրե՛ք Ձեր մտերիմներին