Լևոն Տեր-Պետրոսյանի ելույթն Արմեն Սարգսյանի վերաբերյալ

Հանրապետական կուսակցության ՀՀ նախագահի թեկնածու Արմեն Սարգսյանն, ինչպես հայտնի է, որպես ՀՀ վարչապետ պաշտոնավարել է ընդամենը 2 ամիս (1996 դեկտեմբեր-1997 փետրվար): Մեր «Ի՞նչ է խոսում քաղաքը» բաժնում արդեն ներկայացրել ենք կարճատև պաշտոնավարման պատճառների մասին:

Ստորև ներկայացնում ենք ՀՀ առաջին նախագահ Լևոն Տեր-Պետրոսյանի՝ 2007-ի աշնանը երիտասարդության ներկայացուցիչների հետ հանդիպման ժամանակ ունեցած ելույթը՝ վերաբերող Արմեն Սարգսյանի նշանակմանն ու հրաժարականին: «96 թվի աղմկոտ ընտրություններից հետո, Հայաստանում իշխանության նկատմամբ վստահության զգալի պակաս կար: Անկեղծ ասում եմ սա: Եվ երբ մենք Անգլիայից հրավիրեցինք Արմեն Սարգսյանին, դա հաղթահարվեց. նոր մարդ էր, բոլորովին անծանոթ, ժպտուն, մտավորական, և շատ դրականորեն ընդունվեց մեր ողջ հասարակության կողմից: Բայց նա ժամանակ չունեցավ որևէ գործ անելու: Երկու ամիս անց լուրջ հիվանդացավ և վերադարձավ Լոնդոն: Մենք արդեն հայտնվեցինք ավելի դժվար վիճակի մեջ, քան Արմեն Սարգսյանին հրավիրելուց առաջ»,- ասել էր Տեր-Պետրոսյանը:

Շրջանառվող լուրերի համաձայն, սակայն, Արմեն Սարգսյանը հրաժարական է տվել ու երկրից վռնդվել Վազգեն Սարգսյանի հետ հակասություններ ունենալու պատճառով:

Այս թեմայով Հայաստանի պաշտպանությունն ու հզորացումը՝ Հայաստան-Ռուսաստան-Իրան Ռազմաքաղաքական նո՛ր Դաշինքի մեջ. Խաչիկ Ասրյան Նառա Սարգսյանը՝ հղիության, բալիկի սեռի և անվան ընտրության մասին Նախագահը հանդես է եկել հայտարարությամբ ՀՀ նախագահը կարգադրություններ է արել Փաշինյանը՝ Լեւոն Տեր-Պետրոսյանի հետ հարաբերությունների մասին