«Ընկերներիս խնդրեցի ուսումնասիրել, թե ովքեր են դրանք և ինչով են զբաղված». Կարգին Հայկոն անդրադարձել է «Սուպեր-մամա-2»-ի վրա ցեխ շպրտողներին

«Վերջապես համացանցը, գրեթե, մաքրեցինք «Սուպեր մամա 2» ֆիլմի ապօրինի տարածումից և ժամանակ ունեմ անդրադառնալու այդ օրերին». Հայկ Մարության

«Սուպեր մամա 2» ֆիլմի՝ անօրինական ճանապարհով համացանցում հայտնվելուց հետո դրա վերաբերյալ տարբեր քննարկումներ եղան։

Դերասան Հայկ Մարությանը, ով նաև ֆիլմի պրոդյուսերն է, տևական լռությունից հետո Ֆեյսբուքի իր էջում անդրադարձել է բացասական գրառումներին։

«Վերջապես համացանցը, գրեթե, մաքրեցինք «Սուպեր Մամա 2» ֆիլմի ապօրինի տարածումից և ժամանակ ունեմ անրադառնալու այդ օրերին: 2-3 հոգի, օգտվելով մեր խառը վիճակից, փորձեցին վիրավորելով ցեխ շպրտել (այլ ոչ թե քննադատել, հենց ցեխ շպրտել) մեր ֆիլմի և ստեղծագործական անձնակազմի վրա (հպարտությամբ նշեմ, որ աշխատել եմ Հայաստանի լավագույն կինոմասնագետների հետ): Ճիշտ է ժողովուրդը միանգամից արժանի պատասխան տվեց և տեղը դրեց դրանց, բայց քանի որ ես և մարդկանց 99% չենք ճանաչում իրենց, ընկերներիս խնդրեցի ուսումնասիրել, թե ովքեր են դրանք և ինչով են զբաղված: Ուզում եմ հանրությանը ներկայացնել հետազոտությունների արդյունքները:

Այդ 2-3 հոգին իրենց կյանքում ոչ մի բանի չհասած լուզերներ են և իրենց կյանքի ուրախությունը կայանում է իշխող համակարգին քծնելու մեջ: Ասեմ ավելին, իրենք իրենց ժողովրդից մշտապես բարձր են դասում: Բնականաբար, սրանք ատում են յուրաքանչյուր անկախ մարդու հաջողված աշխատանքը: Եվ միայն այն միտքը, որ մարդկանց մեծամասնությանը դուր է եկել մեր ֆիլմը` իրենց արդեն սպանում է: Միայն այն միտքը, որ 300.000-ից ավելի հանդիսատես (նոր բացարձակ ռեկորդ) եկել է կինոթատրոններ և ուրախացել է, իրենց սպանում է, այն միտքը, որ տասնյակ քաղաքներում և գյուղերում մարդիկ մեր սարքած ժամանակավոր կինոթատրոններում եկել դիտել և լիաթոք ուրախացել են, իրենց սպանում է: Այն, որ բոլոր ցուցադրությունների վերջում դահլիճներում միշտ բուռն ծափահարություններ էին հնչում, այդ միտքն իրենց սպանում է: Այն, որ սահմանամերձ գյուղերում մարդկանց հիշել են (անկեղծ, այլ ոչ ընտրություններից առաջ), հարգել են, ազատ ցուցադրել են ֆիլմը և մարդիկ մի փոքր էլ հաճույք են ստացել կյանքից, այդ միտքն իրենց սպանում է: Եվ ընդհանրապես, երբ հայ ժողովուրդը ուղղակի ուրախ է , այդ միտքն իրենց սպանում է:

Հաշվի առնելով վերը նշված հանգամանքները՝ ես խոստանում եմ, որ մենք շարունակելու ենք մեր գործունեությունը ավելի եռանդով և ավելի ինտենսիվ, քանի որ մեզ համար չկա ավելի մեծ երջանկություն, քան տեսնել մեր հայ ժողովուրդի ուրախությունն ու ժպիտը: Հայեեեր առաաաաջ !!!!!!!»,- գրել է դերասանը։

Այս թեմայով «Մերժիր Սերժի Ժիլետին». Կարգին Հայկո / տեսանյութ «Աստված ում շատ է սիրում, շուտ է տանում». Արսինե Նավասարդյանը՝ «Սուպեր մամա»-ում նկարահանվելիս ողբերգություն ապրելու մասին Հայկոն անկեղծացել է ելույթի ժամանակ․ տեսանյութ Հայկոյի մենահամերգի հետաքրքիր պահերը՝ լուսանկարներով Հայկ Սարգսյանը՝ իր նախկին եւ ներկայիս կանանց, որդու մասին, եւ ոչ միայն