10 կարևոր փաստ՝ կոնտակտային լինզա կրողների համար

EnterTrain-ը ներկայացնում է 10 կարևոր փաստ բոլորի համար, ովքեր կոնտակտային լինզաներ են կրում:

1. Ձեռքերն անպայման լվացեք օճառով և սրբեք սրբիչով նախքան կոնտակտային լինզաներին դիպչելը: Ձեռքերը լվալու միջոցների օգտագործումը, որոնք յուղեր կամ լանոլին են պարունակում, խստիվ խորհուրդ չի տրվում:

2. Կոնտակտային լինզաները մաքրեք, ողողեք և ախտահանեք ամեն անգամ հանելուց հետո: Պետք է լվալ նաև լինզաների տարան:

3. Երբեք մի լողացեք և մի սուզվեք կոնտակտային լինզաներով:

4. Մի մոռացեք կոնտակտային լինզաները հանել գիշերը քնելուց առաջ:

5. Միշտ կոնկրետ լինզան օգտագործեք կոնկրետ աչքի համար, նույնիսկ եթե դրանց բեկող ուժը նույնն է: Նախ աջ լինզան դրեք և հանեք, հետո ձախ: Սա՝ դրանք չշփոթելու համար:

6. Ոչ մի դեպքում մի օգտագործեք կոնտակտային լինզաների խնամքի ժամկետանց միջոցներ: Լուծույթով տարան փակ պահեք, եթե այն չի օգտագործվում: Մի օգտագործեք կոնտակտային լինզաների համար չնախատեսված մաքրող հեղուկ:

7. Լինզաներով ցանկացած գործողություն (հագնել, հանել) պետք է նախորդի կոսմետիկ պրոցեդուրաներին (օրինակ՝ դիմահարդավելուն, այն մաքրելուն):

8. Պետք է միշտ ձեռքի տակ լինզաների համար նոր լուծույթով տարա ունենալ:

9. Հետևեք 20-20-20 կանոնին՝ համակարգչի դիմաց 20 րոպե անընդմեջ աշխատելու դեպքում ընդմիջում արեք և 20 վայրկյան նայեք ձեզնից 20 մ հեռու գտնվող որևէ առարկայի:

10. Տեսողության շտկում պետք է իրականացվի բացառապես բժշկի հսկողությամբ: Կոնտակտային լինզաների ճիշտ շահագործման վերաբերյալ ցանկացած հարց առաջանալու դեպքում անպայման բժշկի դիմեք: