Ֆուտբոլիստը կոտրել է մրցակցի ոտքն ու սկսել է լաց լինել (լուսանկարներ, տեսանյութ)

«Վեսթ Բրոմվիչի» հարձակվող Սոլոմոն Ռոնդոնն անգլիական Պրեմիեր-լիգայի 24-րդ տուրի` «Էվերթոնի» հետ խաղի դրվագներից մեկում անզգուշորեն ցավալի վնասվածք է հասցրել մրցակցի խաղացող Ջեյմս Մակարտիին:

«Sky Sports»-ի տեղեկություններով, «Էվերթոնի» ֆուտբոլիստի մոտ ոտքի կրկնակի կոտրվածք է ախտորոշվել: Նրան խաղադաշտից դուրս են բերել պատգարակի օգնությամբ:

Տեսնելով, որ մրցակիցը լրջորեն տուժել է` Ռոնդոնը չի կարողացել զսպել արցունքներն ու լաց է եղել: Նրան հանգստացրել են թիմակիցներն ու նույնիսկ «Վեսթ Բրոմվիչի» գլխավոր մարզիչ Ալան Պարդյուն:

Իսկ «Էվերթոնի» գլխավոր մարզիչ Սեմ Էլարդայսը խաղից հետո հայտարարել է, որ վնասվածքի մեջ մեղավոր են իր ֆուտբոլիստները.

«Մենք կորցրինք գնդակն, իսկ Ջեյմսը փայլուն կերպով կասեցրեց մրցակցի գոլային գրոհը` վնասվածքի գնով»,- ասել է մարզիչը:

Նշենք` Ռոնդոնը մասնակցել է ամբողջ հանդիպմանը:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել 6 ամենատարօրինակ վնասվածքները, որոնք մարդիկ ստացել են սեքսի ժամանակ